Brautryðjandi í aðventukrönsum Elín Albertsdóttir skrifar 17. nóvember 2016 10:00 Binni var brautryðjandi í því að útbúa aðventukransa hér á landi sem hægt er að nota aftur og aftur. MYNDIR/EYÞÓR Hendrik Berndsen, eða Binni blómasali eins og hann er betur þekktur, ætlaði að setjast í helgan stein þegar hann lokaði verslun sinni, Blómaverkstæði Binna, á Skólavörðustíg í fyrra. Hlutirnir snerust þó í höndum hans og Binni er enn á fullu, sérstaklega fyrir gamla kúnna. Góðir viðskiptavinir sættust ekki á að Binni væri hættur svo hann setti upp litla vinnustofu í Hraunbæ ásamt konu sinni, Ástu Kristínu Kristjánsdóttur. Þangað kemur fólk með gamla aðventukransa frá ömmu og afa sem hann endurgerir. Það styttist í fyrsta í aðventu, 27. nóvember, og margir farnir að huga að aðventukrönsunum sínum. Líklegast hefur enginn Íslendingur jafnmikla reynslu á því sviði og Binni. Hann ólst upp hjá afa sínum í versluninni Blóm og ávextir og fór sextán ára til náms í blómaskreytingum í Danmörku. Þar kynntist hann aðventukransagerð með þurrkuðum skreytingum sem endast áratugi. Binni flutti þessa skreytigerðarlist til Íslands.Nýir tískulitir „Ætli ég hafi ekki búið til aðventukransa í 55 ár,“ segir hann. „Ég legg mikla áherslu á að fólk eigi kransinn lengi. Undanfarið hefur ungt fólk komið til mín með mjög gamla kransa til endurgerðar. Þeir hafa fylgt sömu fjölskyldunni í þrjátíu ár eða lengur. Ég hef verið mjög íhaldssamur í gerð kransanna. Ég nota ekki greni heldur þurrkaðar greinar. Mér finnst mjög skemmtilegt að gera kransana úr efni sem ég sæki í íslenska náttúru, könglum, mosa og greinum. Það er ekki langt síðan að ég fór að tína þetta sjálfur,“ segir Binni sem er mikið jólabarn.Glæsilegur aðventukrans með rauðum litum sem eru í miklu uppáhaldi hjá Binna.„Mér finnst engin jól nema að hafa eitthvað rautt, kerti og borða. Líklegast er ég íhaldssamur að þessu leyti. Ég fylgi ekki tískustraumum en breyti stundum um liti. Rauði liturinn er alltaf klassískur en núna eru hvítur, vínrauður og beige mjög vinsælir. Einstaka sinnum er beðið um fjólublátt sem er í raun litur aðventunnar.Greinar úr náttúrunni Vinur minn sem er frægasti blómaskreytingamaður í Danmörku, Erik Bering, rak blómabúðina The House of Flowers og var sá fyrsti sem útbjó aðventukransa sem entust. Það sem hefur hins vegar breyst í gegnum tíðina er að alltaf kemur eitthvert nýtt skreytingaefni. Aðventukransinn verður hefð á heimilinu og þegar fólk kemur með gamlan krans vill það sams konar skraut og var áður. Hjá mörgum byrja jólin þegar aðventukransinn er kominn upp og kveikt er á fyrsta kertinu,“ segir Binni en þegar hann kom til Íslands eftir fjögur ár í námi í Danmörku var áhugi á aðventukrönsum að vakna hér á landi. „Fólk hafði áður bundið grenigreinar í kringum hálmhring og það getur verið mjög fallegt.“ Binni segir marga möguleika í dag til að skreyta aðventukransinn. „Það er hægt að nota disk og setja fjögur kubbakerti á hann. Við hliðina er hægt að raða fallegum jólakúlum og greni. Það er alltaf gaman að leyfa ímyndunaraflinu að ráða. Einnig er hægt að skreyta járnstjaka fyrir fjögur kerti með alls kyns þurrkuðum berjum, greinum og blöðum úr náttúrunni. Það er virkilega fallegt að nota þessa náttúruliti.“Hvítur krans gerður úr könglum, greinum og fleiru sem Binni tínir í íslenskri náttúru.Brúðarvöndur ömmu Ýmis verkefni detta á borð Binna. Hann skreytir meðal annars fyrir jarðarfarir og brúðkaup. „Ég fékk skemmtilegt verkefni um daginn en það var að búa til brúðarvönd eftir brúðkaupsmynd ömmu brúðarinnar. Hún vildi hafa hann alveg eins og amman var með. Ég lít á mig sem handverksmann og vil gera mitt besta fyrir fólk þótt ég sé orðinn 72 ára. Hver blómaskreyting er einstök,“ segir Binni. „Aðventukransinn minn er þrjátíu ára gamall og ég set alltaf rauð kerti í hann. Svo skreyti ég alltaf jólatréð með dóti sem börnin mín gerðu á leikskólanum í gamla daga. Þeim finnst æðislegt að sjá dótið sitt þótt þau séu orðin fullorðin. Smáhlutir búa til minningar.“ Jólafréttir Mest lesið Kossaflens á klúbbnum Lífið Sárþjáður Eyfi sendur með sjúkrabíl og skellt í aðgerð Lífið Stjörnulífið: „Mesta milf Íslands“ Lífið „Ég hef tapað vinum á því að eiga peninga“ Lífið Hringdi í mömmu sem sagði einfaldlega: „Nói, nú kemur þú heim“ Áskorun Enn veldur Britney áhyggjum Lífið Trúlofuðu sig í laxveiði Lífið Herra stal hund Sunnevu og mætti með hann í Bannað að hlæja Lífið Krúttlegustu áheyrnarprufur ársins Lífið „Hálfur áratugur með þér my love“ Lífið Fleiri fréttir Krúttlegustu áheyrnarprufur ársins Kossaflens á klúbbnum Sjóðheitar skvísur í hvolpajóga brutu næstum Internetið Sárþjáður Eyfi sendur með sjúkrabíl og skellt í aðgerð „Hálfur áratugur með þér my love“ Herra stal hund Sunnevu og mætti með hann í Bannað að hlæja Enn veldur Britney áhyggjum „Ég er tilbúin að vera þetta ofurpar sem okkur er ætlað að verða“ Trúlofuðu sig í laxveiði Höfundur hinna erótísku Rutshire Chronicles-bóka látinn Áróðursvélar Netanjahús séu á fullu blasti í Eurovision Stjörnulífið: „Mesta milf Íslands“ „Ég hef tapað vinum á því að eiga peninga“ Sonur Tinu Turner látinn Óraunverulegt að kaupa íbúð í miðborg London Krakkatían: Bannað að hlæja, Friðarsúlan og Iceguys Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Sjá meira
Hendrik Berndsen, eða Binni blómasali eins og hann er betur þekktur, ætlaði að setjast í helgan stein þegar hann lokaði verslun sinni, Blómaverkstæði Binna, á Skólavörðustíg í fyrra. Hlutirnir snerust þó í höndum hans og Binni er enn á fullu, sérstaklega fyrir gamla kúnna. Góðir viðskiptavinir sættust ekki á að Binni væri hættur svo hann setti upp litla vinnustofu í Hraunbæ ásamt konu sinni, Ástu Kristínu Kristjánsdóttur. Þangað kemur fólk með gamla aðventukransa frá ömmu og afa sem hann endurgerir. Það styttist í fyrsta í aðventu, 27. nóvember, og margir farnir að huga að aðventukrönsunum sínum. Líklegast hefur enginn Íslendingur jafnmikla reynslu á því sviði og Binni. Hann ólst upp hjá afa sínum í versluninni Blóm og ávextir og fór sextán ára til náms í blómaskreytingum í Danmörku. Þar kynntist hann aðventukransagerð með þurrkuðum skreytingum sem endast áratugi. Binni flutti þessa skreytigerðarlist til Íslands.Nýir tískulitir „Ætli ég hafi ekki búið til aðventukransa í 55 ár,“ segir hann. „Ég legg mikla áherslu á að fólk eigi kransinn lengi. Undanfarið hefur ungt fólk komið til mín með mjög gamla kransa til endurgerðar. Þeir hafa fylgt sömu fjölskyldunni í þrjátíu ár eða lengur. Ég hef verið mjög íhaldssamur í gerð kransanna. Ég nota ekki greni heldur þurrkaðar greinar. Mér finnst mjög skemmtilegt að gera kransana úr efni sem ég sæki í íslenska náttúru, könglum, mosa og greinum. Það er ekki langt síðan að ég fór að tína þetta sjálfur,“ segir Binni sem er mikið jólabarn.Glæsilegur aðventukrans með rauðum litum sem eru í miklu uppáhaldi hjá Binna.„Mér finnst engin jól nema að hafa eitthvað rautt, kerti og borða. Líklegast er ég íhaldssamur að þessu leyti. Ég fylgi ekki tískustraumum en breyti stundum um liti. Rauði liturinn er alltaf klassískur en núna eru hvítur, vínrauður og beige mjög vinsælir. Einstaka sinnum er beðið um fjólublátt sem er í raun litur aðventunnar.Greinar úr náttúrunni Vinur minn sem er frægasti blómaskreytingamaður í Danmörku, Erik Bering, rak blómabúðina The House of Flowers og var sá fyrsti sem útbjó aðventukransa sem entust. Það sem hefur hins vegar breyst í gegnum tíðina er að alltaf kemur eitthvert nýtt skreytingaefni. Aðventukransinn verður hefð á heimilinu og þegar fólk kemur með gamlan krans vill það sams konar skraut og var áður. Hjá mörgum byrja jólin þegar aðventukransinn er kominn upp og kveikt er á fyrsta kertinu,“ segir Binni en þegar hann kom til Íslands eftir fjögur ár í námi í Danmörku var áhugi á aðventukrönsum að vakna hér á landi. „Fólk hafði áður bundið grenigreinar í kringum hálmhring og það getur verið mjög fallegt.“ Binni segir marga möguleika í dag til að skreyta aðventukransinn. „Það er hægt að nota disk og setja fjögur kubbakerti á hann. Við hliðina er hægt að raða fallegum jólakúlum og greni. Það er alltaf gaman að leyfa ímyndunaraflinu að ráða. Einnig er hægt að skreyta járnstjaka fyrir fjögur kerti með alls kyns þurrkuðum berjum, greinum og blöðum úr náttúrunni. Það er virkilega fallegt að nota þessa náttúruliti.“Hvítur krans gerður úr könglum, greinum og fleiru sem Binni tínir í íslenskri náttúru.Brúðarvöndur ömmu Ýmis verkefni detta á borð Binna. Hann skreytir meðal annars fyrir jarðarfarir og brúðkaup. „Ég fékk skemmtilegt verkefni um daginn en það var að búa til brúðarvönd eftir brúðkaupsmynd ömmu brúðarinnar. Hún vildi hafa hann alveg eins og amman var með. Ég lít á mig sem handverksmann og vil gera mitt besta fyrir fólk þótt ég sé orðinn 72 ára. Hver blómaskreyting er einstök,“ segir Binni. „Aðventukransinn minn er þrjátíu ára gamall og ég set alltaf rauð kerti í hann. Svo skreyti ég alltaf jólatréð með dóti sem börnin mín gerðu á leikskólanum í gamla daga. Þeim finnst æðislegt að sjá dótið sitt þótt þau séu orðin fullorðin. Smáhlutir búa til minningar.“
Jólafréttir Mest lesið Kossaflens á klúbbnum Lífið Sárþjáður Eyfi sendur með sjúkrabíl og skellt í aðgerð Lífið Stjörnulífið: „Mesta milf Íslands“ Lífið „Ég hef tapað vinum á því að eiga peninga“ Lífið Hringdi í mömmu sem sagði einfaldlega: „Nói, nú kemur þú heim“ Áskorun Enn veldur Britney áhyggjum Lífið Trúlofuðu sig í laxveiði Lífið Herra stal hund Sunnevu og mætti með hann í Bannað að hlæja Lífið Krúttlegustu áheyrnarprufur ársins Lífið „Hálfur áratugur með þér my love“ Lífið Fleiri fréttir Krúttlegustu áheyrnarprufur ársins Kossaflens á klúbbnum Sjóðheitar skvísur í hvolpajóga brutu næstum Internetið Sárþjáður Eyfi sendur með sjúkrabíl og skellt í aðgerð „Hálfur áratugur með þér my love“ Herra stal hund Sunnevu og mætti með hann í Bannað að hlæja Enn veldur Britney áhyggjum „Ég er tilbúin að vera þetta ofurpar sem okkur er ætlað að verða“ Trúlofuðu sig í laxveiði Höfundur hinna erótísku Rutshire Chronicles-bóka látinn Áróðursvélar Netanjahús séu á fullu blasti í Eurovision Stjörnulífið: „Mesta milf Íslands“ „Ég hef tapað vinum á því að eiga peninga“ Sonur Tinu Turner látinn Óraunverulegt að kaupa íbúð í miðborg London Krakkatían: Bannað að hlæja, Friðarsúlan og Iceguys Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Sjá meira