Audi með 15 RS-bíla árið 2018

Audi hefur boðið nokkrar bílgerðir sínar í RS-kraftaútfærslum og hafa þeir notið mikillar hylli bílaáhugamanna. Nú hyggst Audi fjölga þessum bílum verulega og ætlar að bjóða allar sínar bílgerðir í RS-útgáfum frá og með árinu 2018.

Nú eru í boði RS-útgáfur bílanna Audi RS3, RS6, RS7, Q3 RS og TT RS í coupe og roadster formi. Reyndar framleiðeiðir Audi Sport deild að auki R8 sportbílinn. Undir stjórn Stephan Winkelmann, sem áður vann hjá Lamborghini, verður starfsemi Audi Sport deildarinnar verulega útvíkkuð og ljóst má vera að brátt muni sjást RS-útfærslur á Audi A4 og Audi A5 bílunum, sem og Q5 RS og RS1.

En fyrir árslok 2018 er þó víst að það verða til RS-útfærslur af öllum þeim bílgerðum sem Audi bíður. Ástæðan bak við þessari ákvörðun Audi liggur væntanlega í því að hagnaður af sölu kraftabíla Audi er meiri á hvert eintak en af grunngerðunum og ekki þarf að leggja í mikinn þróunarkostnað við að breyta grunngerðunum í RS-bíla.