Fjölmenni í útgáfuteiti Blætis

Blæti er nýtt íslenskt tímarit um konur, karlmenn, tísku, hið ófullkoma, líkamann, vonir, væntingar, gleði, sorg, söknuð, ást, minningar, þrá og mun meira. Fyrsta tölublaðið er komið út og er það um fjögur hundruð blaðsíður.

Boðið var í rosalegt útgáfuteiti á skemmtistaðnum Pablo Discobar í gærkvöldi og mættu margir til að halda upp á útkomu Blætis.

Blæti fangar tíðarandann. Þar mætast í einni hringiðu tískustraumar, ljósmyndin og orðið. Reykjavík eins og hún birtist einmitt núna. Í tímaritinu mynda greinar, ljóð og hugleiðingar heild þar sem orðið og hið sjónræna fléttast saman.

Ernir Eyjólfsson, ljósmyndari 365, og Laimonas Dom Baranauskas ljósmyndari mættu á svæðið og tóku skemmtilegar myndir sem fylgja hér í myndasafninu fyrir neðan.