Mynd af nýjum McLaren 720S lak út

McLaren hefur að undanförnu verið að sýna McLaren bíleigendum sína nýjustu afurð, McLaren 720S, sem leysa mun af hólmi McLaren 670S. Svo virðist sem að einn gestanna hafi ekki staðist mátíð og smellt af bílnum mynd, vafalaust í mikilli óþökk McLaren manna.

Myndina birti hann síðan á Instagram síðu sinni og fer hún nú um netheima á ógnarhraða, en er eins og sést ekki í hárri upplausn. Eins og vanalega bendir nafn bílsins til þess hve öflugur hann er, eða 720 hestöfl. Það átti líka við 650S og 670S bílana. Aflið kemur frá 3,8 lítra V8 vél með tveimur forþjöppum.

Talsvert mikil breyting er á ytra útliti bílsins frá 670S bílnum. Framljósin eru ekki lengur í laginu eins og bjúgverpill (boomerang) og þaklínan er afar blöðrulaga og minnir á Pagani bíla. McLaren ætlaði fyrst að sýna 720S bílinn á bílasýningunni í Genf í mars komandi og væntanlega hefur alls ekki staðið til að gestir þar gengju að því vísu hvernig bíllinn lítur út fyrirfram.