680 hestafla Panamera í Genf

Porsche mun sýna nýjustu gerð Panamera fólksbíls síns á bílasýningunni í Genf og þar fer öflugasta Panamera sem Porsche hefur nokkru sinni framleitt. Bíllinn ber nafnið Porsche Panamera Turbo S E-Hybrid og skartar 680 hestöflum sem sprautast til allra hjóla bílsins.

Bíllinn er með 550 hestafla V8 vél og 136 hestafla rafmótora og með öllu þessu afli er bíllinn 3,2 sekúndur í hundraðið. Býsna gott fyrir svo stóran fjölskyldubíl. Hamarkshraðinn er 309 km/klst. Átta gíra sjálfskipting með tveimur kúplingum tengist aflrásinni og bíllinn er með loftpúðafjöðrun, keamik bremsum og Sport Chrono pakkanum.

Eins og geta má sér til er öll þessi dýrð ekki ódýr en bíllinn kostar rétt ríflega 20 milljóniur króna, en einnig má fá lenda gerð bílsins og leggja til eina milljón til viðbótar. Almenningi býðst þessi lúxuskerra til kaups frá og með enda þessa árs.