Veiðimenn kvarta undan litlu eftirliti við Elliðavatn Karl Lúðvíksson skrifar 20. apríl 2017 12:00 Við Elliðavatn. Mynd: Trausti Hafliðason Það var fámennt í morgun við Elliðavatn en veiði hófst í vatninu í dag sumardaginn fyrsta við heldur kuldalegar aðstæður. Það er þó einhver veiði en einn ágætur veiðimaður var kominn með tvo urriða í morgun sem tóku báðir Orange Nobbler að sögn veiðimanns en báðir fiskarnir voru um 2 pund og ágætlega haldnir. Þeir veiðimenn sem Veiðivísir ræddi við í morgun voru þó mest í því að halda á sér hita, þeir sem kasta flugu voru orðnir frekar dofnir í puttunum og tveir sem létu maðkinn liggja úti sátu bara í bílnum og með miðstöðina í botni. Það er þó annað sem allir nefndu og það er skortur á eftirliti við vatnið en um páskana voru nokkrir við veiðar í vatninu og undantekningalaust með makríl eða hrogn sem beitu. Þegar gengið var á þessa veiðiþjófa pökkuðu þeir saman og fóru en ekki fyrr en eftir að hafa látið í sér heyra á frekar ókurteisan máta. Það er samróma álit þeirra sem veiða við vatnið að þarna þarf að bæta um betur og það sem fyrst. Umgengin við vatnið er líka slæm á mörgum stöðum og eru veiðimenn beðnir um að ganga vel um svæðið og skilja ekki rusl og girni eftir við bakkann. Nú fer varp að hefjast og þegar ungarnir komast á legg er girnið þeim skeinuhætt. Mest lesið Loksins, loksins! Frábært vatn í Norðurá Veiði Fréttir úr Ytri Rangá Veiði Góð veiði á silungasvæðinu í Vatnsdal Veiði Stóri sjóbirtingurinn mættur í Kjósina Veiði Veiðimenn hissa á boðsferð Sigmundar og Bjarna í Norðurá Veiði 11 punda, spikfeitur og silfurgljáandi urriði úr Mjósundi í Laxá í Mývatnssveit Veiði Upptaka af erindi um lax og virkjanir Veiði Síðustu skiladagar fyrir hnýtingarkeppni framundan Veiði Laxinn mættur í fleiri ár Veiði Frances og Haugur slást um toppsætið Veiði
Það var fámennt í morgun við Elliðavatn en veiði hófst í vatninu í dag sumardaginn fyrsta við heldur kuldalegar aðstæður. Það er þó einhver veiði en einn ágætur veiðimaður var kominn með tvo urriða í morgun sem tóku báðir Orange Nobbler að sögn veiðimanns en báðir fiskarnir voru um 2 pund og ágætlega haldnir. Þeir veiðimenn sem Veiðivísir ræddi við í morgun voru þó mest í því að halda á sér hita, þeir sem kasta flugu voru orðnir frekar dofnir í puttunum og tveir sem létu maðkinn liggja úti sátu bara í bílnum og með miðstöðina í botni. Það er þó annað sem allir nefndu og það er skortur á eftirliti við vatnið en um páskana voru nokkrir við veiðar í vatninu og undantekningalaust með makríl eða hrogn sem beitu. Þegar gengið var á þessa veiðiþjófa pökkuðu þeir saman og fóru en ekki fyrr en eftir að hafa látið í sér heyra á frekar ókurteisan máta. Það er samróma álit þeirra sem veiða við vatnið að þarna þarf að bæta um betur og það sem fyrst. Umgengin við vatnið er líka slæm á mörgum stöðum og eru veiðimenn beðnir um að ganga vel um svæðið og skilja ekki rusl og girni eftir við bakkann. Nú fer varp að hefjast og þegar ungarnir komast á legg er girnið þeim skeinuhætt.
Mest lesið Loksins, loksins! Frábært vatn í Norðurá Veiði Fréttir úr Ytri Rangá Veiði Góð veiði á silungasvæðinu í Vatnsdal Veiði Stóri sjóbirtingurinn mættur í Kjósina Veiði Veiðimenn hissa á boðsferð Sigmundar og Bjarna í Norðurá Veiði 11 punda, spikfeitur og silfurgljáandi urriði úr Mjósundi í Laxá í Mývatnssveit Veiði Upptaka af erindi um lax og virkjanir Veiði Síðustu skiladagar fyrir hnýtingarkeppni framundan Veiði Laxinn mættur í fleiri ár Veiði Frances og Haugur slást um toppsætið Veiði