Giggs: United hefur enn áhuga á Griezmann

Framhaldssögunni um hvort Antoine Griezmann fari til Man. Utd eður ei er langt frá því að vera lokið.

Er Man. Utd tryggði sér sæti í Meistaradeildinni héldu margir að það væri formsatriði að Frakkinn kæmi á Old Trafford.

Griezmann bað svo um að fara frá félaginu. Skömmu síðar komu fréttir af því að Man. Utd væri ekkert svo spennt fyrir því að kaupa hann. Þá skrifaði Griezmann á Twitter að hann elskaði Atletico. Allt mjög sérstakt.

„Ég held við séum ekki búin að heyra það síðasta af þessu máli. Það mun mikið ganga á í sumar. United þarf mörk,“ sagði United-goðsögnin, Ryan Giggs.

„United skoraði lítið í vetur og þarf að kaupa 20 marka mann.“