Koma fyrir salernum fyrir ferðamenn á 15 stöðum

Vegagerðin vinnur nú að því að koma fyrir salernum fyrir ferðamenn á fimmtán stöðum hringinn í kringum landið. Stjórnstöð ferðamála hefur skilgreint bætt aðgengi ferðamanna að salernum á landsbyggðinni sem brýnt forgangsmál, sérstaklega á þeim stöðum í vegakerfinu þar sem langt er í þjónustu.

Við val á staðsetningu var höfð hliðsjón af því að langt væri til næsta þjónustustaðar, að því er segir í tilkynningu á vef atvinnuvega- og nýsköpunarráðuneytisins. Ráðuneytið stendur straum af öllum kostnaði við verkefnið, sem nemur liðlega 90 milljónum króna. Um tilraunaverkefni er að ræða og verður reynslan af því metin eftir sumarið.



Suðurland

• Djúpá (4)
• Laufskálavarða (4)

Vesturland

• Reykjadalsá – Dalir (2)
• Kattahryggur (2)

Vestfirðir

• Melanes (2)
• Hvalsá (2)
• Hvannadalsá (2)
• Hvítanes (2)

Norðurland

• Ljósavatn (2)

Norðausturland

• Jökulsá á fjöllum (2)
• Hringvegur við Norðausturveg/Vopnafjörður (2)
• Jökulá á Dal (2)

Suðausturland

• Fossá (2)
• Þvottá (2)
• Hestagerði (2)