Mikil vonbrigði að ferðamálaráðherra vilji ekki löggilda starfsheiti leiðsögumanna Hulda Hólmkelsdóttir skrifar 29. júní 2017 11:45 Þórdís Kolbrún Reykfjörð Gísladóttir ferðamálaráðherra og Indriði H. Þorláksson, formaður Félags leiðsögumanna. Vísir/Stefán/GVA Þórdís Kolbrún Reykfjörð Gylfadóttir ferðamálaráðherra telur ekki rétt að lögvernda starf leiðsögumanna. Þetta kemur fram í svari ráðherrans við fyrirspurn Katrínar Jakobsdóttur, formanns Vinstri grænna. Formaður Félags leiðsögumanna segir svar ráðherrans mótsagnakennt og segir það mikil vonbrigði að svo ófaglega sé tekið á málum leiðsögumanna. „Mér finnst það vera ansi þunnt í roðinu þetta svar og að það sé tekið þarna á þessum málum af miklu, bæði fyrirhyggjuleysi og ábyrgðarleysi því þetta er náttúrulega eitt af þeim atriðum sem hafa áhrif á gæði þeirrar ferðaþjónustu sem verið er að selja. Ef að stjórnvöld telja ekki ástæðu til að huga að gæðamálum í þessu þá er það mikil vonbrigði að svona ófaglega skuli tekið á þessum málum,“ segir Indriði H. Þorláksson, formaður félags leiðsögumanna, í samtali við Vísi. Ætti að miðast við að skerða ekki atvinnufrelsiÍ svari Þórdísar Kolbrúnar segir að lögverndun starfsheitisins leiðsögumaður hafi verið til umfjöllunar í ráðuneytinu um nokkurt skeið, um það hafi verið lagt frumvarp sem ekki hafi náð fram að ganga og að Félag leiðsögumanna telji löggildinguna mikilvægt náttúruverndar-, gæða- og neytendamál. Það sé þó mat ráðherra að hún sé á þessu stigi ekki tímabær. „Hafa ber í huga að lögverndun starfsheitis leiðsögumanna mundi leiða til þess að ófaglærðir einstaklingar, sumir með áratugalanga reynslu í leiðsögn, þyrftu leyfi frá stjórnvöldum til að geta titlað sig leiðsögumenn og álitaefni hvort slíkur ávinningur lögverndunar á starfsheiti leiðsögumanna vegi upp þann samfélagslega kostnað sem af slíkri löggjöf mundi hljótast. Þannig ætti löggjöf um lögverndun starfsheita að miðast við að skerða ekki atvinnufrelsi nema sýnt hafi verið fram á ávinning þeirrar lögverndunar,“ segir meðal annars í svari ráðherrans. Þar segir einnig að skoða megi hvort hægt sé að ná þeim markmiðum sem stefnt er að með lögverndun starfsheita með öðrum hætti. Til dæmis með samningum við fyrirtæki í ferðaþjónustu um að þau noti faglærða leiðsögumenn og kynningum og auglýsingum þar sem hvatt er til að notaðir séu faglærðir leiðsögumenn. Þá er einnig nefnt að þeir sem hafi haft leiðsögu að aðalstarfi í tiltekinn tíma geti aflað sér réttinda ef þeir sýni með hæfnisprófi að þeir búi yfir þeirri þekkingu og færni sem þarf til að ljúka leiðsögumanni. Þannig komi til greina að skoða leiðir til að ná markmiðum löggildingar með öðrum leiðum. Málið sett í undarlegan farveg Indriði segir svar Þórdísar mótsagnakennt. „Í fyrsta lagi þá felur hugmyndin um löggildingu ekki í sér að eitt próf eða þess háttar verði lagt til grundvallar. Heldur myndi slík löggilding fela í sér hvaða kröfur væru gerðar. Þær kröfur eru meðal annars að uppfylla bæði einhverskonar skólagöngu, nám, mat á öðru námi eða raunfærnimat, að meta þau störf sem hafa verið unnin áður. Þetta er alþekkt í okkar íslenska kerfi. Ef litið er á hvernig þróunin hefur orðið hjá kennurum sem eru með mismunandi próf, hjá hjúkrunarfræðingum og þetta er algengt innan iðngreinanna, að það sé raunfærnimat. Viðurkenningin felur í sér blöndu af því að viðurkenna nám, reynslu og nám í öðru,“ segir Indriði. „Þetta sýnir bara að málið er sett þarna í einhvern undarlegan farveg. Meiningin með löggildingu er ekki að binda þetta við eitthvað eitt heldur að miða þetta við faglegar kröfur og ef menn sýna fram á að þeir uppfylli þær með einum eða öðrum hætti þá á það að nægja. Það væri hlutverk laga sem fela í sér löggildingu að skilgreina þessi atriði. Þannig að þarna er, þetta er mjög einkennileg nálgun hjá ráðherra og ráðuneytinu í þessum efnum.“ Indriði segir félagið lengi hafa barist fyrir lögverndun eða einhverskonar kröfum um gæði. Evrópskur staðall um menntun leiðsögumanna hafi verið staðfestur af stjórnvöldum árið 2008 en ekkert hafi síðan verið gert til að framfylgja honum. „Leiðsögumenn þurfa að uppfylla ákveðnar kröfur og svara þeim væntingum sem ferðamenn hafa. Þeir eru nokkurskonar boðberar, kynna landið, sögu, náttúru og menningu og svo framvegis. Við viljum að það séu gerðar gæðakröfur að þessu leyti. Hvort sem það er í formi löggildingar eða með öðrum hætti. Það er líka rétt að minna á að ísland hefur staðfest evrópskan staðal um menntun leiðsögumanna, þær stofnanir sem mennta leiðsögumenn. Það var gert árið 2008 en það eru orðin tóm. Það hefur ekkert verið gert til að framkvæma eða uppfylla þau ákvæði sem sá staðall felur í sér.“ Ferðamennska á Íslandi Mest lesið Vön því að hringja í fullorðna karlmenn á fölskum forsendum Innlent Játa frelsisviptingu og rán en hafna manndrápi Innlent Aldrei kynnst neinum sem harkaði jafnmikið af sér Innlent „Ég er fimmtíu kíló, ég get ekki stoppað hann“ Innlent „Hann var hræddur, eiginlega alveg skíthræddur“ Innlent Tilgangurinn að ná í „easy money“ Innlent Yfirmaður heraflans er á móti hernámi og vill semja Erlent Hættir hjá borgarstjóra og aðstoðar nú ráðherra Innlent Hættir sem ritstjóri Kveiks Innlent Hækkar frítekjumark vegna hækkunar örorkulífeyris Innlent Fleiri fréttir Minntust Jesse í Vesturbænum: „Það er mikill söknuður af virkilega góðum dreng“ Skýr mynd dregin upp í dómsal og minningarstund Hækkar frítekjumark vegna hækkunar örorkulífeyris „Hann var hræddur, eiginlega alveg skíthræddur“ Kjaraviðræður Sinfó „stefni í rétta átt“ Stöðupróf verði skylda í öllum skólum strax í vor „Ég er fimmtíu kíló, ég get ekki stoppað hann“ Núverandi staða ekki talin vera alvarleg Vön því að hringja í fullorðna karlmenn á fölskum forsendum Opna Vesturbæjarlaug á morgun en Sundhallargestir þurfa að bíða Tilgangurinn að ná í „easy money“ Jökulhlaupið í rénun Í beinni frá héraðsdómi, unglingadrykkja og áheitakóngur Aldrei kynnst neinum sem harkaði jafnmikið af sér Hættir sem ritstjóri Kveiks Hættir hjá borgarstjóra og aðstoðar nú ráðherra Meirihluti hefur áhyggjur af laxastofninum nema í fjörðunum Jóhann tekur við af Gunnari hjá Landssambandi veiðifélaga Skýrslur teknar af tíu börnum undir sex ára á síðustu 20 árum Lögregla kölluð til vegna einstaklinga sem tjölduðu í skógarrjóðri Betra að borga tryggingarnar en að sitja uppi með allsherjartjón Játa frelsisviptingu og rán en hafna manndrápi Metaðsókn og söfnunarmet slegið 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Sjá meira
Þórdís Kolbrún Reykfjörð Gylfadóttir ferðamálaráðherra telur ekki rétt að lögvernda starf leiðsögumanna. Þetta kemur fram í svari ráðherrans við fyrirspurn Katrínar Jakobsdóttur, formanns Vinstri grænna. Formaður Félags leiðsögumanna segir svar ráðherrans mótsagnakennt og segir það mikil vonbrigði að svo ófaglega sé tekið á málum leiðsögumanna. „Mér finnst það vera ansi þunnt í roðinu þetta svar og að það sé tekið þarna á þessum málum af miklu, bæði fyrirhyggjuleysi og ábyrgðarleysi því þetta er náttúrulega eitt af þeim atriðum sem hafa áhrif á gæði þeirrar ferðaþjónustu sem verið er að selja. Ef að stjórnvöld telja ekki ástæðu til að huga að gæðamálum í þessu þá er það mikil vonbrigði að svona ófaglega skuli tekið á þessum málum,“ segir Indriði H. Þorláksson, formaður félags leiðsögumanna, í samtali við Vísi. Ætti að miðast við að skerða ekki atvinnufrelsiÍ svari Þórdísar Kolbrúnar segir að lögverndun starfsheitisins leiðsögumaður hafi verið til umfjöllunar í ráðuneytinu um nokkurt skeið, um það hafi verið lagt frumvarp sem ekki hafi náð fram að ganga og að Félag leiðsögumanna telji löggildinguna mikilvægt náttúruverndar-, gæða- og neytendamál. Það sé þó mat ráðherra að hún sé á þessu stigi ekki tímabær. „Hafa ber í huga að lögverndun starfsheitis leiðsögumanna mundi leiða til þess að ófaglærðir einstaklingar, sumir með áratugalanga reynslu í leiðsögn, þyrftu leyfi frá stjórnvöldum til að geta titlað sig leiðsögumenn og álitaefni hvort slíkur ávinningur lögverndunar á starfsheiti leiðsögumanna vegi upp þann samfélagslega kostnað sem af slíkri löggjöf mundi hljótast. Þannig ætti löggjöf um lögverndun starfsheita að miðast við að skerða ekki atvinnufrelsi nema sýnt hafi verið fram á ávinning þeirrar lögverndunar,“ segir meðal annars í svari ráðherrans. Þar segir einnig að skoða megi hvort hægt sé að ná þeim markmiðum sem stefnt er að með lögverndun starfsheita með öðrum hætti. Til dæmis með samningum við fyrirtæki í ferðaþjónustu um að þau noti faglærða leiðsögumenn og kynningum og auglýsingum þar sem hvatt er til að notaðir séu faglærðir leiðsögumenn. Þá er einnig nefnt að þeir sem hafi haft leiðsögu að aðalstarfi í tiltekinn tíma geti aflað sér réttinda ef þeir sýni með hæfnisprófi að þeir búi yfir þeirri þekkingu og færni sem þarf til að ljúka leiðsögumanni. Þannig komi til greina að skoða leiðir til að ná markmiðum löggildingar með öðrum leiðum. Málið sett í undarlegan farveg Indriði segir svar Þórdísar mótsagnakennt. „Í fyrsta lagi þá felur hugmyndin um löggildingu ekki í sér að eitt próf eða þess háttar verði lagt til grundvallar. Heldur myndi slík löggilding fela í sér hvaða kröfur væru gerðar. Þær kröfur eru meðal annars að uppfylla bæði einhverskonar skólagöngu, nám, mat á öðru námi eða raunfærnimat, að meta þau störf sem hafa verið unnin áður. Þetta er alþekkt í okkar íslenska kerfi. Ef litið er á hvernig þróunin hefur orðið hjá kennurum sem eru með mismunandi próf, hjá hjúkrunarfræðingum og þetta er algengt innan iðngreinanna, að það sé raunfærnimat. Viðurkenningin felur í sér blöndu af því að viðurkenna nám, reynslu og nám í öðru,“ segir Indriði. „Þetta sýnir bara að málið er sett þarna í einhvern undarlegan farveg. Meiningin með löggildingu er ekki að binda þetta við eitthvað eitt heldur að miða þetta við faglegar kröfur og ef menn sýna fram á að þeir uppfylli þær með einum eða öðrum hætti þá á það að nægja. Það væri hlutverk laga sem fela í sér löggildingu að skilgreina þessi atriði. Þannig að þarna er, þetta er mjög einkennileg nálgun hjá ráðherra og ráðuneytinu í þessum efnum.“ Indriði segir félagið lengi hafa barist fyrir lögverndun eða einhverskonar kröfum um gæði. Evrópskur staðall um menntun leiðsögumanna hafi verið staðfestur af stjórnvöldum árið 2008 en ekkert hafi síðan verið gert til að framfylgja honum. „Leiðsögumenn þurfa að uppfylla ákveðnar kröfur og svara þeim væntingum sem ferðamenn hafa. Þeir eru nokkurskonar boðberar, kynna landið, sögu, náttúru og menningu og svo framvegis. Við viljum að það séu gerðar gæðakröfur að þessu leyti. Hvort sem það er í formi löggildingar eða með öðrum hætti. Það er líka rétt að minna á að ísland hefur staðfest evrópskan staðal um menntun leiðsögumanna, þær stofnanir sem mennta leiðsögumenn. Það var gert árið 2008 en það eru orðin tóm. Það hefur ekkert verið gert til að framkvæma eða uppfylla þau ákvæði sem sá staðall felur í sér.“
Ferðamennska á Íslandi Mest lesið Vön því að hringja í fullorðna karlmenn á fölskum forsendum Innlent Játa frelsisviptingu og rán en hafna manndrápi Innlent Aldrei kynnst neinum sem harkaði jafnmikið af sér Innlent „Ég er fimmtíu kíló, ég get ekki stoppað hann“ Innlent „Hann var hræddur, eiginlega alveg skíthræddur“ Innlent Tilgangurinn að ná í „easy money“ Innlent Yfirmaður heraflans er á móti hernámi og vill semja Erlent Hættir hjá borgarstjóra og aðstoðar nú ráðherra Innlent Hættir sem ritstjóri Kveiks Innlent Hækkar frítekjumark vegna hækkunar örorkulífeyris Innlent Fleiri fréttir Minntust Jesse í Vesturbænum: „Það er mikill söknuður af virkilega góðum dreng“ Skýr mynd dregin upp í dómsal og minningarstund Hækkar frítekjumark vegna hækkunar örorkulífeyris „Hann var hræddur, eiginlega alveg skíthræddur“ Kjaraviðræður Sinfó „stefni í rétta átt“ Stöðupróf verði skylda í öllum skólum strax í vor „Ég er fimmtíu kíló, ég get ekki stoppað hann“ Núverandi staða ekki talin vera alvarleg Vön því að hringja í fullorðna karlmenn á fölskum forsendum Opna Vesturbæjarlaug á morgun en Sundhallargestir þurfa að bíða Tilgangurinn að ná í „easy money“ Jökulhlaupið í rénun Í beinni frá héraðsdómi, unglingadrykkja og áheitakóngur Aldrei kynnst neinum sem harkaði jafnmikið af sér Hættir sem ritstjóri Kveiks Hættir hjá borgarstjóra og aðstoðar nú ráðherra Meirihluti hefur áhyggjur af laxastofninum nema í fjörðunum Jóhann tekur við af Gunnari hjá Landssambandi veiðifélaga Skýrslur teknar af tíu börnum undir sex ára á síðustu 20 árum Lögregla kölluð til vegna einstaklinga sem tjölduðu í skógarrjóðri Betra að borga tryggingarnar en að sitja uppi með allsherjartjón Játa frelsisviptingu og rán en hafna manndrápi Metaðsókn og söfnunarmet slegið 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Sjá meira