Serena Williams berar bumbuna á forsíðu Vanity Fair

Tennisstjarnan Serena Williams situr fyrir á forsíðu nýjasta tölublaðs tímaritsins Vanity Fair. Í viðtali við tímaritið rekur hún ástarsögu sína og unnusta síns, Alexis Ohanian, en þau eiga von á barni í haust.

Williams birti forsíðumyndina á Instagram-síðu sinni fyrr í dag. Á myndinni hefur tennisstjarnan bera óléttubumbuna í forgrunni.

Ástarsamband Williams og unnustans, Alexis Ohanian, er enn fremur í aðalhlutverki í viðtalinu við Vanity Fair. Williams og Ohnaian, sem helst hefur getið sér það til frægðar að hafa stofnað vefsíðuna Reddit, kynntust í Róm höfuðborg Ítalíu árið 2015.

Serena Williams hefur unnið 23 meistaramót í tennis á ferli sínum sem spannar nú nærri þrjá áratugi. Hún er jafnan talin einn farsælasti íþróttamaður í heimi.

Barnið, sem hún ber nú undir belti, er fyrsta barn hennar og Alexis Ohnaian.

Hér að neðan má sjá myndina umræddu sem prýðir nú forsíðu Vanity Fair.

A post shared by Serena Williams (@serenawilliams) on Jun 27, 2017 at 6:20am PDT