Efnið sem grafið var upp úr Hlíðarendaá á Eskifirði og stíflaði árfarveginn með framburði sínum, verður að hluta til nýtt í vegagerð við Norðfjarðargöng. Verktakar eru þegar hafnir við að ferja burt efnið. Þetta kemur fram í frétt Austurfrétta.
Unnið var að því að moka burt efnið frá klukkan fjögur á laugardag til klukkan tvö í nótt. Heilmikil möl og framburður var grafin upp úr ánni í gær eða um 12-14 þúsund rúmmetrar.
Ekki er búið að meta tjónið á svæðinu en búist er við að ekki sé langt í það. Búið er að opna veginn í Mjóafirði eftir að skriða féll á veginn.
Munu nýta efnið úr Hlíðarendaá í vegagerð við Norðfjarðargöng
Tengdar fréttir
Mikið vatn blandað mold og leðju flæðir niður hlíðina á Eskifirði
Mikil úrkoma og vindasamt hefur verið á landinu austantil í dag.
Myndband sýnir sterka strauma Hlíðarendaár
Á myndbandinu má sjá gífurlega vatnsstyrkinn flæða í átt að brúnni.
Bæjarstjóri Fjarðabyggðar segir mikilvægt að efla varnir
Páll Björgvin Guðmundsson, bæjarstjóri Fjarðabyggðar segir ofanflóðavarnir, ötula vinna lögreglu og verktaka Suðurvers og Héraðsverks hafa orðið til þess að sporna gegn frekara tjóni sem varð þegar mikið vatn flæddi niður Hlíðarendaá fyrir ofan Eskifjörð. Hann segir mikilvægt að efla varnir á svæðinu.
Mikið vatnsveður á Austurlandi: Flæðir inn í hús á Seyðisfirði
Framkvæmdastjóri Viðlagatrygginga Íslands segir að á Seyðisfirði sé mun meira tjón á vátryggðum eignum en á Eskifirði.
