Sienna Miller er sumarleg í Chanel

Breska leikkonan Sienna Miller leikur aðalhlutverk í leikritinu Cat on a Hot Tin Roof í London, og var blaðamannaviðburður haldinn í tilefni þess í gærkvöldi. Leikritið hefur fengið góðar viðtökur, en sýningin er endurgerð verksins frá árinu 1955 skrifað af Tennessee Williams. Sienna hefur hlotið góðar umsagnir um leik sinn í sýningunni.

Í gærkvöldi klæddist Sienna kjól frá Chanel, með látlausa förðun og rauðan varalit. Sienna hefur lengi verið þekkt fyrir bóhem en dömulegan fatastíl og er alltaf gaman að renna í gegnum myndir af henni.