Ísland í aðalhlutverki í nýrri naglalakkalínu OPI

Allra augu eru á Íslandi þessa stundina eins og við vitum vel. Við Íslendingar þekkjum OPI naglalökk og hafa þau verið gríðarlega vinsæl hér á landi síðustu ár, þess vegna er einstaklega skemmtilegt þegar OPI gerði sérstaka línu tileinkaða Íslandi.

Það er óhætt að segja að þeim hafi tekist vel til, því litirnir eru góð útgáfa af þeim litum sem við finnum í náttúrunni okkar. 

Línan samanstendur af tólf litum sem heita mjög svo skemmtilegum nöfnum, eins og OPI er þekkt fyrir, og ættu allir að geta fundið eitthvað við sitt hæfi. Nöfnin á lökkunum eru til dæmis Turn on the Northern Lights, That's what Friends are Thor, Check out the old Geysirs og Aurora Berryalis. 

Sjáðu fallegar myndir frá Íslandi og naglalökkin sem eru eiginlega skyldueign í snyrtubuddur landans.