100. mark Giroud í sigri Arsenal

Mikið var um markatengda áfanga í leik Arsenal og Bate Borisov í Evrópudeildinni í dag.

Olivier Giroud skoraði sitt 100. mark fyrir Arsenal og Rob Holding skoraði sitt fyrsta mark fyrir liðið í 2-4 sigri. Theo Walcott skoraði sitt 20. mark í Evrópukeppni fyrir félagið og jafnaði markahrókinn Robin van Persie í Evrópumörkum fyrir Lundúnaliðið.

Arsenal er nú komið á topp H-riðils með sex stig í tveimur leikjum.

Mirko Ivanic og Mikhail Gordejchuk skoruðu mörk Bate.