Bjarni Benediktsson, formaður Sjálfstæðisflokksins, tók kjördag snemma og mætti ásamt konu sinni, Þóru Margréti Baldvinsdóttur, á kjörstað í Fjölbrautaskólanum í Garðabæ klukkan 10 í morgun.
„Þetta hefur verið snörp barátta sem byrjaði af mikilli hörku en svo komu málefnin í gegn. Mér fannst við þá ná betra samtali og enda með meðbyr,“ sagði Bjarni í samtali við fréttastofu á kjörstað í morgun.
Sjá einnig:Í beinni: Landsmenn ganga til kosninga enn á ný
Bjarni sagði stefna í spennandi í kosningar en kvaðst ekki vita hverju hann átti von á.
„Maður horfir kannski helst á þessar nýjustu kannanir. Ég vona að þetta skili sér allt og gott betur,“ sagði Bjarni en í seinasta Þjóðarpúlsi Gallup fyrir kosningarnar sem birtur var í gær mældist Sjálfstæðisflokkurinn með rúmt forskot á aðra flokka með rúmlega 25 prósent fylgi. Næst á eftir komu Vinstri græn með um 17 prósent fylgi.
Bjarni: „Vona að þetta skili sér allt og gott betur“
Tengdar fréttir
Þorgerður Katrín: Glöð og þakklát fyrir stuðninginn
Formaður Viðreisnar mætti á kjörstað í Lækjarskóla í Hafnarfirði klukkan 10:30 í dag.
Ragnhildur: Höfum reynt að forðast skítkast og leiðindaumræður
Oddviti Dögunar í Suðurkjördæmi segir frambjóðendur hafa reynt að tala bara um málefnin sín og halda þeim á lofti.
Logi: Bíður niðurstöðunnar með rósemd og æðruleysi
Logi segir kosningabaráttuna hafa verið snarpa og markast af því hvað tíminn hafi verið stuttur.
