Juventus vill fá Can í janúar

Ítalíumeistarar Juventus eru spenntir fyrir miðjumanni Liverpool, Emre Can, og stefna á að kaupa hann í janúar.

Þýski miðjumaðurinn verður samningslaus næsta sumar og ef Liverpool ætlar að fá eitthvað fyrir hann verður félagið að selja hann eftir áramót.

Juventus er sagt vera til í að greiða sex milljónir evra, eða 752 milljónir króna, fyrir leikmanninn.

Fleiri félög eru sögð hafa augastað á Can og þar á meðal eru Man. City, Bayern og Dortmund. Staða Juventus er þó sögð vera sterk.

Juventus reyndi líka að kaupa hann síðasta sumar en þá var Liverpool ekki til í að selja.