Silungur í öllum regnbogans litum

Hér á Íslandi erum við með oft ansi fallega liti og litbrigði á bleikju og urriða en það getur verið ansi mikill munur á litnum á milli vatna þó stutt sé á milli þeirra.

Í Þingvallavatni er til að mynda urriði sem er annað hvort brúnleitur eða silfursleginn og eins er litamunur nokkur á sílableikju og kuðungableikju.  Bleikjan í getur eins tekið á sig öll litbrigði appelsínubleiks litar sem við þekkjum vel af kviðnum hennar sem og er doppurnar á hliðunum oft æði miðjafnar.

Silung má finna víða í heiminum og eru litbrigðin ansi mörg og þá sérstaklega í þeim tegundum sem eru skyldastar þeirri bleikju sem við finnum á Íslandi sem er þekkt á ensku sem artic charr.  Eins og meðfylgjandi mynd sýnir eru litbrigðin mörg og á þessari pallettu má sjá mörg litamunstur sem við sjáum í okkar ám og vötnum.  Almennt er talið að af einhverju leiti hefur umhverfið mikil áhrif á hvaða munstur og litir verða í hreistrinu á silung og þá líka fæðuframboð.  Þetta er bara brot af því sem náttúran býður uppá í litasamsetningum á silung og það væri gaman að sjá hvaða litaafbrigði veiðimenn hér á landi hafa séð og jafnvel myndað.