Kastaðist út úr bílnum í veltu við Hörpu

Maður, sem velti bíl við Hörpu upp úr klukkan ellefu í gærkvöldi, kastaðist út úr bifreiðinni þegar hann velti bílnum. Er ökumaðurinn grunaður um ölvun við akstur auk þess sem hann reyndist sviptur ökuréttindum að því er fram kemur í dagbók lögreglu.

Var ökumaðurinn fluttur til skoðunar þar sem hann verður til morguns en meiðsl hans eru ekki talin alvarleg.

Rétt fyrir klukkan hálfþrjú í nótt var síðan kona handtekin í Vesturbænum. Hún var mjög ölvuð og með ólæti. Neitaði konan að segja til nafns og fór ekki að fyrirmælum lögreglu. Ekki var hægt að koma henni til síns heima og var hún því vistuð í fangageymslu.