Lausir dagar í Stóru Laxá

Vissulega eru margar ár afskaplega fallegar á Íslandi en flestir veiðimenn sem hafa einu sinni eða oftar bleytt færi í Stóru Laxá segja hana þá fallegustu sem hægt er að veiða.

Stóra Laxá á sinn áhangendahóp sem er býsna fjölmennur og í þeim hóp eru veiðimenn sem hafa veitt ánna í áratugi.  Hún er nefnilega ansi mögnuð en hún er líka, eins og þeir sem þekkja hana vita, ótrúlega dyndótt og getur átt afbragðs veiðiár og mjög léleg þess á milli og oft er stutt á milli þeirra.  Hún er vel þekkt fyrir oft á tíðum ævintýralega haustveiði þegar meðalþyngdin á veiðinni slagar í 10-12 pund og hollin oft með 100 laxa á fjórar stangir.  Þetta á þó eingöngu um veiðina á svæði I-II, þ.e.a.s. magntölurnar en stærðartölurnar eiga við um alla ánna.

Það hefur oft verið meira sótt í hana en nú að virðist og þess vegna er tækifæri fyrir þá sem eiga eftir að prófa þessa mögnuðu á að kíkja á lausa daga á síðunni hjá Lax-Á.  Á vefsíðu þeirra má sjá að níu holl eða hluti holla er laus á svæði I-II og meira á svæðum III og IV.  Efsta svæðið IV er líklega ein mesta ákskorun sem hægt er að takast við í veiði með gljúfrum og hröðum, djúpum breiðum en nátturufegurðin er líka alveg einstök á því svæði.