Hætt saman eftir 9 ára hjónaband

Leikaraparið Channing Tatum og Jenna Dewan hafa ákveðið að skilja eftir 9 ára hjónaband. Þetta kemur fram í sameiginlegri yfirlýsingu frá hjónunum sem Dewan setti á Instagramsíðu sína í gær.  

Þar kemur fram að skilnaðurinn fari fram í hinu mesta bróðerni og að þau elski hvort annað ennþá, en að þau þurfi smá pásu frá hvort öðru núna. Dewan og Tatum kynntust við tökur á dansmyndinni vinsælu Step Up og eiga saman fjögurra ára dótturina, Everly. 

Parið hefur verið eitt það vinsælasta í Hollywood síðan þau tóku saman, enda dugleg að deila lífi sínu með aðdáendum. Þetta er því ákveðinn skellur svona rétt eftir hátíðarnar, við viðurkennum það. 

A post shared by Jenna Dewan Tatum (@jennadewan) on Apr 2, 2018 at 6:13pm PDT