Stórmótameistarinn Iniesta 1. maí 2018 10:30 Iniesta fagnar marki sínu í úrslitaleik HM 2010. Vísir/Getty Þegar fjórar mínútur voru eftir af framlengingu í úrslitaleik HM 2010 töpuðu Hollendingar boltanum við vítateig Spánverja sem sneru strax vörn í sókn. Jesús Navas fékk boltann, lék á Rafael van der Vaart og hélt áfram för sinni upp hægri kantinn. Navas missti boltann en hann barst til Andrés Iniesta sem gaf hælsendingu á Cesc Fábregas sem gaf strax á Navas. Hann færði boltann yfir til vinstri á Fernando Torres. Hann sendi boltann inn á teiginn, Van Der Vaart reyndi í örvæntingu sinni að bjarga en boltinn fór af honum til Fábregas. Hann laumaði boltanum til hægri á Iniesta sem lagði hann fyrir sig og skoraði með hnitmiðuðu skoti á lofti í fjærhornið. Iniesta ærðist af gleði og reif sig úr treyjunni. Undir henni var hann í bol sem á stóð „Dani Jarque siempre con nosotros", til minningar um fyrirliða Espanyol sem lést ári áður, aðeins 26 ára að aldri. Þeir Iniesta voru miklir vinir og samherjar í yngri landsliðum Spánar. Með markinu skrifaði Iniesta nafn sitt með gylltu letri í fótboltasögu Spánar enda tryggði hann Spánverjum sinn fyrsta heimsmeistaratitil með því. Þessi hægláti miðjumaður er ekki mikill markaskorari en þegar hann skorar eru mörkin oftar en ekki mikilvæg. Enginn stuðningsmaður Barcelona mun gleyma markinu gegn Chelsea í undanúrslitum Meistaradeildar Evrópu 2009. Það er komið að tímamótum á glæsilegum ferli Iniesta. Á blaðamannafundi í gær tilkynnti hann með tárin í augunum að þetta tímabil yrði hans síðasta hjá Barcelona, félaginu sem hann hefur spilað með allan sinn feril. Leikirnir eru tæplega 700 og titlarnir 31, og bráðum 32 því Barcelona á Spánarmeistaratitilinn vísan. Allar líkur eru á því að HM 2018 í Rússlandi verði svanasöngur Iniesta með spænska landsliðinu. Og það er viðeigandi að hann kveðji á stórmóti, á sviðinu þar sem honum líður best. Iniesta lék sinn fyrsta landsleik í aðdraganda HM 2006 og var tekinn með til Þýskalands. Spánverjar litu vel út í riðlakeppninni en féllu úr leik fyrir Zinedine Zidane og félögum í franska landsliðinu í 16-liða úrslitum. Á þessum árum höfðu Spánverjar þann stimpil á sér að skreppa saman á stórmótum þegar allt var undir. Á EM 2008 breyttist allt. Spánn tapaði ekki leik á mótinu og varð Evrópumeistari eftir sigur á Þýskalandi í úrslitaleik. Það var upphafið að ótrúlegri sigurgöngu „La Roja", eða þeirra rauðu. Spánverjar drottnuðu yfir heimsfótboltanum á árunum 2008-12. Þeir léku m.a. 35 leiki án þess að tapa og unnu þrjá titla. Eins og áður sagði varð Spánn heimsmeistari 2010 og spænska liðið varði Evrópumeistaratitilinn tveimur árum síðar. Spánverjar lágu undir gagnrýni fyrir varfærinn leikstíl á EM 2012 en í úrslitaleiknum hristu þeir af sér hlekkina og unnu Ítali 4-0. Iniesta var valinn maður leiksins og besti leikmaður mótsins. Hann er eini leikmaðurinn í sögunni sem hefur verið valinn maður leiksins í úrslitaleik HM, EM og Meistaradeildarinnar. Spánverjar ollu miklum vonbrigðum á HM 2014 þar sem þeir féllu út í riðlakeppninni. Iniesta sýndi þó lit og hann var einnig besti leikmaður spænska liðsins á EM 2016. Þar strandaði Spánn á Ítalíu í 16-liða úrslitunum. Eftir EM tók Julen Lopetegui við stjórn spænska liðsins og undir hans stjórn hafa Spánverjar verið óstöðvandi. Frá tapinu fyrir Ítalíu hefur Spánn leikið 18 leiki, unnið 13 og gert fimm jafntefli. Markatalan er 59-12. Spánverjar unnu m.a. Ítali 3-0 í undankeppni HM og slátruðu Argentínumönnum, 6-1, í vináttulandsleik í síðasta mánuði. Þótt Lopetegui hafi úr ótrúlegum fjölda góðra leikmanna að velja er Iniesta enn í lykilhlutverki hjá spænska liðinu, eins og síðasta rúma áratuginn. Þessi frægasti sonur þorpsins Fuentealbilla kveður Barcelona með tveimur titlum og vill einnig að landsliðsferilinn fái svipaðan endi. Birtist í Fréttablaðinu Fótbolti Mest lesið „Hún reif í mig og hraunaði yfir mig, á Marilegan hátt“ Sport Iðrast gjörða sinna: „Var klárlega rangt af mér“ Íslenski boltinn Stöðvuðu bardaga Valgerðar Sport Ferguson saknar fótboltans Enski boltinn Þjálfarinn í byrjunarliðinu: „Mér fannst þörf á smá aga í leikinn“ Handbolti Heimsmeistaranum refsað fyrir notkun blótsyrðis Formúla 1 Gróðursetja tvö hundruð tré fyrir hvert skorað mark Fótbolti Sjö mörk Jóhönnu hjálpuðu til við að landa fyrsta sigrinum Handbolti Fullkomin byrjun lærisveina Arnórs heldur áfram Handbolti Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Handbolti Fleiri fréttir Iðrast gjörða sinna: „Var klárlega rangt af mér“ Gróðursetja tvö hundruð tré fyrir hvert skorað mark Ferguson saknar fótboltans Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Sjá meira
Þegar fjórar mínútur voru eftir af framlengingu í úrslitaleik HM 2010 töpuðu Hollendingar boltanum við vítateig Spánverja sem sneru strax vörn í sókn. Jesús Navas fékk boltann, lék á Rafael van der Vaart og hélt áfram för sinni upp hægri kantinn. Navas missti boltann en hann barst til Andrés Iniesta sem gaf hælsendingu á Cesc Fábregas sem gaf strax á Navas. Hann færði boltann yfir til vinstri á Fernando Torres. Hann sendi boltann inn á teiginn, Van Der Vaart reyndi í örvæntingu sinni að bjarga en boltinn fór af honum til Fábregas. Hann laumaði boltanum til hægri á Iniesta sem lagði hann fyrir sig og skoraði með hnitmiðuðu skoti á lofti í fjærhornið. Iniesta ærðist af gleði og reif sig úr treyjunni. Undir henni var hann í bol sem á stóð „Dani Jarque siempre con nosotros", til minningar um fyrirliða Espanyol sem lést ári áður, aðeins 26 ára að aldri. Þeir Iniesta voru miklir vinir og samherjar í yngri landsliðum Spánar. Með markinu skrifaði Iniesta nafn sitt með gylltu letri í fótboltasögu Spánar enda tryggði hann Spánverjum sinn fyrsta heimsmeistaratitil með því. Þessi hægláti miðjumaður er ekki mikill markaskorari en þegar hann skorar eru mörkin oftar en ekki mikilvæg. Enginn stuðningsmaður Barcelona mun gleyma markinu gegn Chelsea í undanúrslitum Meistaradeildar Evrópu 2009. Það er komið að tímamótum á glæsilegum ferli Iniesta. Á blaðamannafundi í gær tilkynnti hann með tárin í augunum að þetta tímabil yrði hans síðasta hjá Barcelona, félaginu sem hann hefur spilað með allan sinn feril. Leikirnir eru tæplega 700 og titlarnir 31, og bráðum 32 því Barcelona á Spánarmeistaratitilinn vísan. Allar líkur eru á því að HM 2018 í Rússlandi verði svanasöngur Iniesta með spænska landsliðinu. Og það er viðeigandi að hann kveðji á stórmóti, á sviðinu þar sem honum líður best. Iniesta lék sinn fyrsta landsleik í aðdraganda HM 2006 og var tekinn með til Þýskalands. Spánverjar litu vel út í riðlakeppninni en féllu úr leik fyrir Zinedine Zidane og félögum í franska landsliðinu í 16-liða úrslitum. Á þessum árum höfðu Spánverjar þann stimpil á sér að skreppa saman á stórmótum þegar allt var undir. Á EM 2008 breyttist allt. Spánn tapaði ekki leik á mótinu og varð Evrópumeistari eftir sigur á Þýskalandi í úrslitaleik. Það var upphafið að ótrúlegri sigurgöngu „La Roja", eða þeirra rauðu. Spánverjar drottnuðu yfir heimsfótboltanum á árunum 2008-12. Þeir léku m.a. 35 leiki án þess að tapa og unnu þrjá titla. Eins og áður sagði varð Spánn heimsmeistari 2010 og spænska liðið varði Evrópumeistaratitilinn tveimur árum síðar. Spánverjar lágu undir gagnrýni fyrir varfærinn leikstíl á EM 2012 en í úrslitaleiknum hristu þeir af sér hlekkina og unnu Ítali 4-0. Iniesta var valinn maður leiksins og besti leikmaður mótsins. Hann er eini leikmaðurinn í sögunni sem hefur verið valinn maður leiksins í úrslitaleik HM, EM og Meistaradeildarinnar. Spánverjar ollu miklum vonbrigðum á HM 2014 þar sem þeir féllu út í riðlakeppninni. Iniesta sýndi þó lit og hann var einnig besti leikmaður spænska liðsins á EM 2016. Þar strandaði Spánn á Ítalíu í 16-liða úrslitunum. Eftir EM tók Julen Lopetegui við stjórn spænska liðsins og undir hans stjórn hafa Spánverjar verið óstöðvandi. Frá tapinu fyrir Ítalíu hefur Spánn leikið 18 leiki, unnið 13 og gert fimm jafntefli. Markatalan er 59-12. Spánverjar unnu m.a. Ítali 3-0 í undankeppni HM og slátruðu Argentínumönnum, 6-1, í vináttulandsleik í síðasta mánuði. Þótt Lopetegui hafi úr ótrúlegum fjölda góðra leikmanna að velja er Iniesta enn í lykilhlutverki hjá spænska liðinu, eins og síðasta rúma áratuginn. Þessi frægasti sonur þorpsins Fuentealbilla kveður Barcelona með tveimur titlum og vill einnig að landsliðsferilinn fái svipaðan endi.
Birtist í Fréttablaðinu Fótbolti Mest lesið „Hún reif í mig og hraunaði yfir mig, á Marilegan hátt“ Sport Iðrast gjörða sinna: „Var klárlega rangt af mér“ Íslenski boltinn Stöðvuðu bardaga Valgerðar Sport Ferguson saknar fótboltans Enski boltinn Þjálfarinn í byrjunarliðinu: „Mér fannst þörf á smá aga í leikinn“ Handbolti Heimsmeistaranum refsað fyrir notkun blótsyrðis Formúla 1 Gróðursetja tvö hundruð tré fyrir hvert skorað mark Fótbolti Sjö mörk Jóhönnu hjálpuðu til við að landa fyrsta sigrinum Handbolti Fullkomin byrjun lærisveina Arnórs heldur áfram Handbolti Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Handbolti Fleiri fréttir Iðrast gjörða sinna: „Var klárlega rangt af mér“ Gróðursetja tvö hundruð tré fyrir hvert skorað mark Ferguson saknar fótboltans Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Sjá meira
Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Handbolti
Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Handbolti