Adam Levine og James Corden stöðvaðir af lögreglunni í Carpool Karaoke

Söngvarinn Adam Levine er næsti gestur í vinsæla dagskráliðnum Carpool Karaoke hjá breska spjallþáttastjórnandanum James Corden.

Þá fara þeir félagarnir saman á rúntinn um Los Angeles og syngja saman helstu slagara Levine. Nú hefur verið birt stikla úr næsta þætti en þar má sjá að lögreglan í Los Angeles stöðvar þá félaga.

Þar er greinilega um að ræða mjög mikinn aðdáanda þeirra beggja eins og sjá má hér að neðan.

Innslagið verður síðan birt í heild sinni von bráðar.