Miley Cyrus barði Jimmy Kimmel í punginn með sleggju

Söngkonan Miley Cyrus kom bandaríska spjallþáttastjórnandanum Jimmy Kimmel heldur betur á óvart á dögunum þegar hún vakti hann um miðja nótt með því að ráðast inn í svefnherbergið með sleggju.

Söngkonan var mætt í múnderinguna sem hún klæddist í myndbandinu við lagið Wrecking Ball og barði Kimmel sjálfan með sleggju sem var í raun úr plasti. Það fór reyndar ekki betur en svo að hún barði kappann óvart í punginn.

Þrátt fyrir að sleggjan sé ekki ekta þá var þetta augljóslega sársaukafullt.

Rihanna byrjaði í raun þessa hefð, að vekja Kimmel um miðja nótt og síðan tók Britney Spears við. Hér að neðan má sjá þessa þrjá hrekki.

Rihanna vekur Kimmel

Britney Spears vekur Kimmel.