Ein og hálf milljón horft á söguna um sambandsslit Jónu og Gunnars

Nas Daily er heldur betur vinsæll á Facebook en hann ferðast um heiminn og framleiðir mínútu langt myndband á hverjum einasta degi. Milljónir manna horfa á myndböndin hans og er hann nú staddur hér á landi.

Nas hefur framleitt tæplega 800 myndbönd en fyrir tveimur dögum kom út myndband þar sem Jóna Dóra Hólmarsdóttir segir söguna á bakvið sambandsslit hennar og Gunnars Geirs Gunnlaugssonar.

Þegar þessi frétt er skrifuð hefur yfir ein hálf milljón manns horft á myndbandið sem sjá má hér að neðan.

Nas kemur inn á það í facebook-færslu sinni með myndbandinu að núverandi kærasti Jónu er Óskar Axel Óskarsson.

Hér að neðan má sjá myndbandið.