Gongslökun í takt við sjávarnið

Gongspilarar mættu á ylströndina í Nauthólsvík í morgun og spiluðu slakandi tóna fyrir gesti sem nutu sín í heitum potti. Þetta er í annað skipti sem slíkur viðburður er haldinn þar en til stendur að hann verði á mánaðarfresti. Alls mættu á þriðja tug gesta í morgun. Arnbjörg Kristín Konráðsdóttir gongspilari segir að tilgangurinn sé að fólk geti komið og upplifað frið í eigin hjarta og annarra í stórum hópi fólks.  Návist við hafið og náttúruna færi jarðbundna kyrrð og tilfinningu fyrir dýpri innri friði og kærleika í eigin hjarta.