Gæslan tekur undir með flugmönnum

Auðunn F. Kristinsson, framkvæmdastjóri aðgerðasviðs Landhelgisgæslunnar, kveðst sammála því sem haft var eftir Ingvari Tryggvasyni, formanni öryggisnefndar Félags íslenskra atvinnuflugmanna, í Fréttablaðinu í gær að Gæslan geti ekki leyft sér neitt annað en að nota vélar sem hafi óvefengjanlegt orðspor.

Ofangreint kom fram í frétt RÚV í gær. Landhelgisgæslan hefur ekki svarað ítrekaðri fyrirspurn Fréttablaðsins um það hvort halda eigi til streitu samningi um leigu tveggja björgunarþyrla frá Noregi.

Í frétt RÚV sagði Auðunn hins vegar að málið væri í skoðun.

„Ef við höfum minnstu áhyggjur af því að þessar vélar uppfylli ekki okkar kröfur þá höfum við öll tækifæri til að bakka út úr þessu,“ sagði Auðunn.