Axl tilfinningaríkur á sviðinu áður en hann flutti lagið sem var tileinkað vini hans

Knockin' On Heaven's Door er sögufrægt lag sem Bod Dylan gaf fyrst út árið 1965. Bæði Eric Clapton og Guns N´Roses hafa gefið út mjög vinsælar ábreiður af laginu og tók sveitin lagið á stórtónleikum sínum á Laugardalsvelli í gærkvöldi.

Um 25 þúsund manns sáu Guns N´Roses spila á vellinum í gær og hafa aldrei fleiri verið á Laugardalsvelli.

Axl Roses hélt ræðu fyrir flutninginn og var lagið tileinkað vini hans sem gekk í gegnum það að missa barnið sitt fyrir ekki svo löngu.

Ræðan og flutningurinn tók um stundarfjórðung og má með sanni segja að sveitin öll hafi farið hamförum þegar lagið Knockin' On Heaven's var tekið í gærkvöldi. Hér að neðan má sjá myndband af flutningnum sem hefur ratað á YouTube.