Maroon 5 kom Kate á óvart með því að mæta í 18 ára afmælið og allt varð vitlaust

Sveitin Maroon 5 hefur áður tekið upp á því að koma fólki á óvart og mæta til að mynda í brúðkaup og taka lagið, eins og drengirnir gerðu nokkrum sinnum árið 2015.

Rétt fyrir helgi mættu þeir í 18 ára afmælisteiti hjá Kate og komu henni heldur betur í opna skjöldu.

Svo virðist sem sveitin sé að fara af stað með þáttaröð á YouTube þar sem frægir koma aðdáendum sínum á óvart með því að mæta óboðnir í partý.

Í fyrsta þættinum fór sveitin sjálf á stúfana og kemur allskonar fólki á óvart á kaffihúsi áður en þeir fóru í 18 ára afmælið hjá Kate. 

Kate heldur að verið sé að vinna að tónlistarheimildarmynd þar sem rætt er við ungt fólk. Svo er ekki og mætti sveitin óvænt á svæðið og héldu rosalega tónleika í heimahúsi eins og sjá má hér að neðan.