Ari Eldjárn hljóp tíu kílómetra og eignaðist stúlku með Lindu á laugardaginn

Linda Guðrún Karlsdóttir og grínistinn Ari Eldjárn eignuðust stúlku á laugardaginn en Linda greinir frá þessu á Facebook.

Stúlkan var fjórtán merkur og fimmtíu sentímetrar og gekk allt eins og í sögu. Fyrir eiga þau Arney Díu sem varð einmitt fimm ára daginn eftir, þann 19. ágúst.

„Tveir viðburðaríkir hamingjudagar. Við Ari erum endalaust þakklát fyrir þessar tvær litlu manneskjur,“ segir Linda á Facebook.

Ari Eldjárn tók þátt í Reykjavíkurmaraþoninu á laugardaginn og kláraði tíu kílómetra, en blaðamaður Vísis sá grínistann koma í mark.

Líklega hefur Ari þurft að bruna upp á sjúkrahús eftir hlaupið en hann hljóp til styrktar minningarsjóðs Kristjáns Eldjárns en fjölskylda Ara stofnaði sjóðinn eftir að elsti bróðir hans lést árið 2002.

Lífið óskar parinu innilega til hamingju með stúlkubarnið.