Lygileg bogaskot

Á YouTube-rásinni Dude Perfect má reglulega sjá heldur mögnuð myndbönd þar sem drengirnir á bakvið rásina leysa allskonar þrautir, en í öllum myndböndunum er ákveðið þema.

Að þessu sinni leika þeir sér með boga og skjóta örvum í mismunandi aðskotarhluti. Skotin eiga það öll sameiginlegt að vera vægast sagt erfið og er nokkuð líklegt að það hafi þurft margar tilraunir til að ná hverju skoti.

Um er að ræða eitt allra vinsælasta myndband á YouTube um þessar mundir og skiljanlega, enda er það algjörlega lygilegt.

Hér að neðan má sjá hvernig til tókst.