Svona ber þessi Finni fram nöfn allra íslenskra þingmanna

Finnskur listamaður sem kallar sig Puhuva Pää, sem þýðir á íslensku „talandi höfuð“, heldur úti heldur óvenjulegri YouTube síðu. Hann hefur nú birt 63 myndbönd á vefnum þar sem hann reynir að bera fram nöfn íslenskra þingmanna.

Eins og margir vita sitja 63 þingmenn á Alþingi okkar Íslendinga og eru nöfnin misjafnlega erfið í framburði fyrir útlendinga.

Hér að neðan má fyrst sjá hvernig Pää tæklar framburðinn á þingmanninum Willumi Þór Þórssyni en tilraunir hans til framburðar nafna hinna þingmannanna spilast svo sjálfkrafa beint á eftir.