Kynntust aðstæðum jafnaldra í Úganda í fermingarfræðslunni Heimsljós kynnir 30. október 2018 10:15 Úr fátækrahverfi í Kampala þar sem Hjálparstarf kirkjunnar styður verkefni með unglingum. gunnisal Um tvö þúsund börn í fermingarfræðslu þjóðkirkjunnar um land allt ganga þessa dagana í hús í hverfum sínum með bauk Hjálparstarfs kirkjunnar og safna fyrir verkefnum stofnunarinnar í Úganda og Eþíópíu. Fyrr í þessum mánuði komu til landsins tveir ungir félagsráðgjafar, Douglas Talemwa Lubega og Gertrude Samari Nakkazi, frá verkefnasvæðum Hjálparstarfs kirkjunnar í Úganda og fluttu rúmlega fjörutíu fræðsluerindi um verkefnin, bæði í fermingarfræðslu og í félagsfræðiáföngum í framhaldsskólum. Douglas og Trudy lýstu aðstæðum jafnaldra sem Hjálparstarfið aðstoðar í sveitum Úganda, unglinga sem búa í hreysum og hafa lítinn aðgang að drykkjarhæfu vatni og hreinlætisaðstöðu. Þau fræddust líka um aðstæður unglinga sem hafa flúið fátæktina í sveitinni og haldið til höfuðborgarinnar í leit að betra lífi. „Það sem er mest um vert er að Douglas og Trudy - unga fólkið sem talar við krakkana - segja frá sjálfu sér og aðstæðunum sem þau ólust upp við. Þau eru bæði frábærar fyrirmyndir sem sýna að með vilja, þrautseigju og dugnaði er hægt að öðlast farsælt líf,“ segir í nýútgefnu fréttablaði Hjálparstarfs kirkjunnar. Fjáröflun með aðstoð barna í fermingarfræðslu á þessu hausti er sú tuttugasta í röðinni en í fyrra lögðu fermingarbörnin sitt af mörkum með því að safna rúmlega átta milljónum króna. Á vef Hjálparstarfsins segir að Hjálparstarf kirkjunnar fari þess á leit við landsmenn að taka vel á móti börnunum þegar þau banka upp á með bauk í hönd. Börnin ganga tvö til þrjú saman og baukurinn sem þau eru með er merktur Hjálparstarfi kirkjunnar, númeraður og með innsigli. Á þessu ári styrkir utanríkisráðuneytið þrjú langtíma þróunarsamvinnuverkefni Hjálparstarfs kirkjunnar með 42 milljóna króna framlagi. Tvö verkefnanna eru í Úganda, meðal annars verkefnið í Kampala þar sem unnið er að valdeflingu ungs fólks. Þriðja verkefnið er í Eþíópíu. Ennfremur styrkir utanríkisráðuneytið tvö mannúðarverkefni Hjálparstarfsins á þessu ári, í Eþíópíu og Palestínu, með 50 milljóna króna framlagi.Vefur HjálparstarfsinsÞessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim.Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Hjálparstarf Þróunarsamvinna Mest lesið Netþrjótar herja á „mömmur“ landsins Innlent Demókratar flýja Texas svo þing geti ekki komið saman Erlent Hvalur skaut upp höfði upp við bryggjuna: „Þetta var alveg magnað“ Innlent „Allt uppselt“ af símum eftir rigninguna Innlent Maður lést eftir fall af svölum á tónleikum Oasis Erlent Slysið á sama stað og við sömu aðstæður og fyrri banaslys í fjörunni Innlent Hamas til í að gefa gíslum hjálpargögn ef Ísrael hleypir þeim inn á svæðið Erlent Spennandi traktorstorfæra á Flúðum Innlent Segir „erfiðara“ að náða Diddy eftir „hræðilegar yfirlýsingar“ Erlent Þorgerður styður stofnun leyniþjónustu Innlent
Um tvö þúsund börn í fermingarfræðslu þjóðkirkjunnar um land allt ganga þessa dagana í hús í hverfum sínum með bauk Hjálparstarfs kirkjunnar og safna fyrir verkefnum stofnunarinnar í Úganda og Eþíópíu. Fyrr í þessum mánuði komu til landsins tveir ungir félagsráðgjafar, Douglas Talemwa Lubega og Gertrude Samari Nakkazi, frá verkefnasvæðum Hjálparstarfs kirkjunnar í Úganda og fluttu rúmlega fjörutíu fræðsluerindi um verkefnin, bæði í fermingarfræðslu og í félagsfræðiáföngum í framhaldsskólum. Douglas og Trudy lýstu aðstæðum jafnaldra sem Hjálparstarfið aðstoðar í sveitum Úganda, unglinga sem búa í hreysum og hafa lítinn aðgang að drykkjarhæfu vatni og hreinlætisaðstöðu. Þau fræddust líka um aðstæður unglinga sem hafa flúið fátæktina í sveitinni og haldið til höfuðborgarinnar í leit að betra lífi. „Það sem er mest um vert er að Douglas og Trudy - unga fólkið sem talar við krakkana - segja frá sjálfu sér og aðstæðunum sem þau ólust upp við. Þau eru bæði frábærar fyrirmyndir sem sýna að með vilja, þrautseigju og dugnaði er hægt að öðlast farsælt líf,“ segir í nýútgefnu fréttablaði Hjálparstarfs kirkjunnar. Fjáröflun með aðstoð barna í fermingarfræðslu á þessu hausti er sú tuttugasta í röðinni en í fyrra lögðu fermingarbörnin sitt af mörkum með því að safna rúmlega átta milljónum króna. Á vef Hjálparstarfsins segir að Hjálparstarf kirkjunnar fari þess á leit við landsmenn að taka vel á móti börnunum þegar þau banka upp á með bauk í hönd. Börnin ganga tvö til þrjú saman og baukurinn sem þau eru með er merktur Hjálparstarfi kirkjunnar, númeraður og með innsigli. Á þessu ári styrkir utanríkisráðuneytið þrjú langtíma þróunarsamvinnuverkefni Hjálparstarfs kirkjunnar með 42 milljóna króna framlagi. Tvö verkefnanna eru í Úganda, meðal annars verkefnið í Kampala þar sem unnið er að valdeflingu ungs fólks. Þriðja verkefnið er í Eþíópíu. Ennfremur styrkir utanríkisráðuneytið tvö mannúðarverkefni Hjálparstarfsins á þessu ári, í Eþíópíu og Palestínu, með 50 milljóna króna framlagi.Vefur HjálparstarfsinsÞessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim.Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Hjálparstarf Þróunarsamvinna Mest lesið Netþrjótar herja á „mömmur“ landsins Innlent Demókratar flýja Texas svo þing geti ekki komið saman Erlent Hvalur skaut upp höfði upp við bryggjuna: „Þetta var alveg magnað“ Innlent „Allt uppselt“ af símum eftir rigninguna Innlent Maður lést eftir fall af svölum á tónleikum Oasis Erlent Slysið á sama stað og við sömu aðstæður og fyrri banaslys í fjörunni Innlent Hamas til í að gefa gíslum hjálpargögn ef Ísrael hleypir þeim inn á svæðið Erlent Spennandi traktorstorfæra á Flúðum Innlent Segir „erfiðara“ að náða Diddy eftir „hræðilegar yfirlýsingar“ Erlent Þorgerður styður stofnun leyniþjónustu Innlent