Pogba keypti varðhund fyrir rúmar 2,3 milljónir króna

Paul Pogba, leikmaður Manchester United og franska landsliðsins, borgaði öryggisfyrirtæki rúmar 2,3 milljónir íslenskra króna fyrir varðhund.

Öryggisfyrirtækið Chaperone K9 útvegaði Pogba hundinn sem ku vera af tegundinni rottweiler.

Sama fyrirtæki seldi samherjum Pogba hjá United, Marcus Rashford og Phil Jones, svipaða varðhunda.

Pogba hefur átt í stormasömu sambandi við stuðningsmenn United. Margir þeirra voru ekki ánægðir með þegar franski miðjumaðurinn vildi yfirgefa herbúðir United í sumar.

Pogba hefur misst af síðustu leikjum United vegna ökklameiðsla.