Ný Skoda Octavia kynnt með tengil-tvinn vél

Fjórða kynslóinð af Skoda Octavia, sem er mest seldi Skoda bíllinn á heimsgrundvelli, var kynnt til leiks í gær. Meðal þess sem var kynnt var ný tengil-tvinnútfærsla.

Undir yfirborðinu er Octavia sami bíll og nýjasta útgáfan af Volkswagen Golf.Skoda kallar Octavia „hjartað og vélina“ í sinni framleiðslu. Að sögn byggir fjórða kynslóðin á styrkleikum eldri kynslóða en þó með meira notagildi með auknu plássi í innrarými sem og aukið öryggi. Bíllinn fer í sölu á seinni helmingi næsta árs.

Ytra byrði hefur fengið kunnulega yfirhalningu og svipar nú talsvert til nýjustu útgáfu af Superb og Scala. Lægri línur í toppnum gefa bílnum sportlegra yfirbragð. Að sögn Skoda er loftflæðið mun betra.

Stór afþreyingaskjárinn er áberandi í innréttingunni. Octavia er einnig hlaðinn nýjustu tækni í akstursaðstoð, sérstakar varnir eru til að koma í veg fyrir slys á hjólreiðafólki og gangandi vegfarendum.

Vélar

Vélarnar sem í boði verða eru frá 1,0 líters, þriggja sílendera túrbó bensín vél. Þar að auki eru 1,5 lítra fjögurra sílendera túrbó bensín vél. Báðar fást í mildri tvinn útgáfu.

Stærsta bensín vélin er 2,0 lítra TSI sem knýr öll fjögur hjólin og er tengd við sjö gíra sjálfskiptingu. Tengil-tvinn útgáfan er 1,4 lítra bens´ín vél og 101 hestafl með sex gíra sjálfskiptingu og skilar sú útfærsla samtals 201 hestafli.

Einungis ein dísil vél verður í boði en hún verður stillt á þrjá mismunandi vegu. Hún er 2,0 lítrar og skilar 197, 148 og 114 hestöflum eftir stillingum. Allar dísil útgáfurnar verða sjálfskiptar.