Christian Von Koenigsegg keyrir Koenigsegg Jesko

Christian Von Koenigsegg, stofandi Koenigsegg keyrir Konenigsegg Jesko, sem á formlega að fara í framleiðslu í janúar á næsta ári. Herra Koenigsegg vill vekja sérstaka athygli á pústhljóðinu.

Framleiddir verða 125 Jesko bílar. Hljóðin frá pústinu eru sérstök og virðast ekki alveg í takt við 5,0 lítra V8 vélin sem er um borð.

Meðfylgjandi myndband er tekið þegar Christian Von Koenigsegg, stofnandi Koenigsegg ók bílnum við prufuakstur við höfuðstöðvar Koenigsegg í Svíþjóð. Jesko er nefndur í höfuðið á föður Christian.

Mælt er með því að leggja vel við hlustir þegar horft er á myndbandið og njóta.

Ofurbíllin Jesko verður með tveggja túrbínu 5,0 lítra V8 vél sem framleiðir 1280 hestöfl með venjulegu bensíni en 1600 hestöfl með E85 lífefna eldsneyti.

Skiptingin er níu gíra tveggja kúplinga sjálfskipting. Skiptingin býr yfir þeim eiginleika að hoppa yfir í þann gír sem hentar best akstursaæstðum hverju sinni og hoppa í leiðinni yfir nokkra gíra.