Spurning vikunnar: Hefur þú ákveðið að fyrirgefa framhjáhald?

Traust er yfirleitt talið ein mikilvægasta stoðin í samböndum og því getur framhjáhald valdið miklum skaða. Í einhverjum tilvikum er ákveðið að fyrirgefa og í öðrum tilvikum verða sambandsslit.

Sumir vilja þó meina að framhjáhald og framhjáhald sé ekki það sama og það skipti máli hver forsagan er og hvers eðlis svikin eru. 

Er þetta eitthvað sem gerðist eitt kvöld og makinn viðurkennir svikin sín strax eða er þetta leynilegt ástarsamband sem staðið hefur yfir í einhvern tíma. 

Engin upplifun er eins og eðlilega eru sambönd misjöfn þegar kemur að svona málum. Eftir að framhjáhald kemst upp í samböndum tekur flókið og oft erfitt tímabil þar sem fólk þarf að taka ákvörðun um framhaldið og horfast í augu við afleiðingarnar.  

Þessi ákvörðun getur reynst fólki mjög þungbær, hvort sem ákveðið er að reyna að fyrirgefa eða ekki. 

Spurning vikunnar kemur út frá þessum hugleiðingum og er henni að þessu sinni beint til fólks sem hefur lent í þessum aðstæðum. 

Hefur þú ákveðið að fyrirgefa framhjáhald? 

Hægt er að svara könnuninni hér fyrir neðan. 

Þeir sem vilja deila sögu sinni eða hugleiðingum varðandi þetta málefni geta sent tölvupóst á netfangið makamal@syn.is. Trúnaði er heitið.