Mourin­ho talaði um Manchester United og heppnina

Jose Mourinho, stjóri Tottenham, hafði ekki mikið spáð í Meistaradeildarbaráttunni er hann var spurður út í hana á blaðamannafundi gærdagsins.

Tottenham á ekki möguleika á Meistaradeildarsæti en Chelsea, Leicester, Manhcester United og Wolves berjast um síðustu tvö sætin í Meistaradeildina.

Mourinho hafði ekki mikið skoðað stöðuna er hann ræddi við blaðamenn fyrir leikinn gegn Leicester um helgina.

„Fyrst og fremst er ekki ég að velta mér upp á þessu og veit ekki hvað er mögulegt fyrir þá,“ sagði Mourinho um möguleika Leicester.

„Ég held að þau spila síðasta leikinn gegn hvort öðru [Leicester og Man. Utd] og ég veit ekki hvort að úrslitin geti verið ráðin þá. Ég veit heldur ekki hvort að Chelsea sé í öruggri stöðu en ég held ekki. Ég held að þeir séu enn í baráttunni.“

„Ef Manchester United tekst að ná þessu þá er það vegna þess að þeir eiga það skilið og þeir hafa spilað vel síðari hlutann á tímabilinu. Að auki vita allir að þeir hafa verið að hluta til heppnir. Oftar en einu sinni. Við höfðum til að mynda ekki þessa heppni,“ sagði fyrrum stjóri United.