Leirá er lítil og nett á stutt frá Reykjavík sem hefur verið nokkðu vel geymt leyndarmál hin síðustu ár.
Það hefur þó verið að breytast mikið og aðsókn í ánna hefur verið góð einfaldlega því veiðin í henni er meiri en margur á von á. Hún er best á vorin í miklu vatni og síðan aftur á haustin eða síðsumars á mjög blautum sumrum þegar hún hækkar mikið. Þessi skilyrði eru einmitt fyrir hendi núna og hefur sjóbirtingurinn þegar látið sjá sig í ánni en þetta er nokkuð snemmt fyrir hann að mæta.
Það veiðist oft vel af sjóbirting í þessari nettu á og það er reglulega gaman að veiða hana í miklu vatni á nettar græjur. Samkvæmt okkar heimildum er töluvert af sjóbirting kominn í ánna og hefur hann verið að sjást á nokkrum stöðum, alveg frá vinsælasta veiðistaðnum neðan við þjóðveg eitt en síðan alveg upp í efstu veiðistaði. Það er veitt á tvær stangir í ánni og hún hentar vel þeim sem eru að taka sín fyrstu skref í fluguveiði enda frekar nett og auðveidd.
