Villtist í þoku á Helgafelli

Björgunarsveitir í Garðabæ og Hafnarfirði voru kallaðar úr rétt fyrir klukkan eitt í nótt vegna karlmanns sem hafði villst í þoku á Helgafelli ofan við Hafnarfjörð.

Í tilkynningu frá Slysavarnafélaginu Landsbjörg segir að vegna mikillar þoku hafi maðurinn ekki verið viss um rétta leið niður.

„Gerði hann því það eina rétta, bað um aðstoð. Björgunarmenn voru fljótir á staðinn og að finna manninn. Voru allir komnir niður á bílstæði um tvöleytið í nótt og héldu þaðan til síns heima.“