Í beinni: Vodafonedeildin í CS:GO, toppslagur Dusty og KR

Úrvalsliðin etja kappi í Vodafonedeildinni í CS:GO í kvöld. Þrettánda umferð deildarinnar verður leikinn í kvöld og eru spennandi viðureignir í vændum.

Kvöldið byrjar með leik Exile og XY. Báðum liðum hefur gengið illa að finna taktinn eftir að hafa hrist upp í liðsskipulaginu með nýtingu á leikmannaglugganum. Eiga þau bæði því fullt inni. XY sigraði fyrri viðureign liðanna því verður spennandi að sjá hvernig að Exile nýtir sér heimavöllinn.

Toppliðin takast á í millileik kvöldsins er Dusty tekur á móti KR á heimavelli. Dusty sigraði síðustu viðureign en KR lét þá hafa fyrir hverri einustu lotu. Með sigri tryggja Dusty sér topp sætið í deildinni og því nokkuð ljóst að KR-ingar munu leggja allt á línurnar til að svipta þá sigri.

Lokaleikur kvöldsins er Þór gegn Hafinu. Þórsararnir taka á móti Hafinu á heimavelli. En Hafið er á fimm leikja sigurgöngu og því von á miklum gusugangi.

Fyrsta viðureign kvöldsins hefst kl 19:30 og verður sýnd á Stöð 2 esport og hér á Vísi.

Leikir kvöldsins verða samkvæmt dagskrá hér að neðan.

19:30 Exile - XY

20:30 Dusty - KR

21:30 Þór - Hafið

Útsending hefst kl 19:15 og stendur yfir fram eftir kvöldi og hægt er að fylgjast með henni hérna.