Mun meira bókað en í fyrra í laxveiðiánum

Síðasta sumar gátu Íslenskir veiðimenn stokkið á lausa daga í sumum laxveiðiánum sem voru settir í endursölu þegar erlendir veiðimenn afbókuðu með litlum fyrirvara.

Þetta er ekki staðan á þessu ári sýnist okkur en í stuttri athugun á lasum dögum í nokkrum vinsælum ám virðist vera mun meiri eftirspurn erlendis frá heldur en í fyrra. Það er greinilegt að væntingar erlendra veiðimanna fyrir endalokum Covid séu miklar og hjá flestum veiðileyfasölum virðist vera góður viðsnúningur á erlendum bókunum.

Að sama skapi virðast Íslenskir veiðimenn líka vera farnir að bóka meira en þeir gerðu í fyrra og aðsókn í árnar þar sem veiðimenn hugsa um sig sjálfir búin að vera það mikil að það er farið að vera erfitt að finna lausa daga í tveggja til þriggja stanga á sem er ekki of dýr, með góðri veiðivon og góðu húsi. Væntingarstuðulinn fyrir komandi sumri er því nokkuð góður og við sem og aðrir veiðimenn getum varla beðið eftir því að þenja stangirnar við bakkann aftur.