Synti þvert yfir Kollafjörð á þrjóskunni Þorgils Jónsson skrifar 6. september 2021 15:52 Sigurgeir hafði aldrei lagt í langsund áður en hann ákvað að slá til og synda til styrktar Einstökum börnum. Hann lagði í þessa 11,6 kílómetra leið kl. 16 og kom á leiðarenda eftir miðnætti Sigurgeir Svanbergsson vann mikið þrekvirki á dögunum þegar hann synti frá Kjalarnesi að Bryggjuhverfi í Grafarvogi. Verkefnið var til styrktar Einstökum börnum – stuðningsfélagi barna og ungmenna með sjaldgæfa sjúkdóma eða sjaldgæf heilkenni. Leiðin var 11,6 km og tók um níu klukkustundir. Sigurgeir segir Covid faraldurinn hafa átt sinn hlut í því að hann lagði í þetta verkefni, en hann hafði aldrei áður lagt í svona langsund. Úr bardagaíþrótt í langsund „Vegna Covid gat ég ekki keppt í minni íþrótt, sem er Lethwei hjá Iceland Combat Arts. Þá fer ég að hugsa um eitthvað annað til að einbeita mér að og ákveð að leggja í þetta sund. Þá fæðist þessi hugmynd að gera þetta að styrktarverkefni. Það er tilvalið að láta eitthvað gott af sér leiða fyrst maður er að þessu á annað borð.“ En af hverju urðu Einstök börn fyrir valinu? „Ég vissi bara að þau eru að vinna gott starf og þurfa á hjálp að halda.“ Sigurgeir Svanbergsson á sundi út af Kjalarnesi. Hann og fylgdarlið hans lentu í vélarbilun þegar hann var kominn nokkuð áleiðis, en hann neitaði að hætta við og fékk annan bát til að fylgja sér restina af leiðinni.Aðsend Marglyttufár breytti fyrra plani Fyrst ætlaði Sigurgeir, sem býr austur á fjörðum og starfar í álveri Alcoa á Reyðafirði, að synda frá Eskifirði til Reyðarfjarðar, en marglyttutorfa á leiðinni setti þar strik í reikninginn. „Það fylltist allt af brennihveljum á leiðinni. Ég prófaði aðeins að synda með þeim og það var ekkert mjög gaman að fá þær í sig.“ Því var ákveðið að færa verkefnið vestur á bóginn og þreyta sundið yfir Kollafjörð, og lagði Sigurgeir af stað á þriðjudaginn með aðstoðarmenn sem fylgdu honum á báti. Sigurgeir ásamt aðstoðarmönnum sem fylgdu honum eftir á svaðilförinni.Aðsend Tók ekki í mál að hætta við Sundið gekk ágætlega fyrst um sinn, en þegar komið var að tanganum á Kjalarnesi kom babb í bátinn, í orðsins fyllstu merkingu. „Þá bilar báturinn og ég mátti þá synda í hringi í einn og hálfan klukkutíma á meðan strákarnir reyndu að koma honum í gang. Þeir ætluðu svo að flauta þetta af, en ég tók það ekki í mál. Þrjóskan í mér leyfir ekkert svona. Þannig að þeir hringdu í Hafsport sem höfðu stutt okkur vel, sem sendu annan bát og við gátum haldið áfram.“ Borgarljósin sjást í bakgrunni þar sem Sigurgeir er kominn á lokasprettinn.Aðsend „Naut eiginlega sársaukans daginn eftir“ Sigurgeir kom svo loks í land eftir níu klukkustunda barning, hérumbil að niðurlotum kominn, en sáttur við sína frammistöðu. Eins og fyrr segir er leiðin 11,6 kílómetrar, en með öllum útúrdúrum í tengslum við vélarbilunina á leiðinni var heildarvegalengdin mun lengri, enda var sundkappinn ansi lerkaður eftirá. Það var örmagna sundkappi sem kom í land í Bryggjuhverfinu uppúr miðnætti, eftir níu tíma sund.Aðsend „Ég var með alveg svakalega verki í öllum liðum daginn eftir, en þetta er bara partur af þessu. Ég naut eiginlega sársaukans daginn eftir, því að ég vissi hvaðan hann var að koma.“ Þess má geta að söfnunin stendur enn yfir og má leggja málefninu lið á vef Einstakra barna. Góðverk Reykjavík Sjósund Sund Mest lesið Magnaðar myndir af lengstu á landsins Lífið Sjóðheitar og einhleypar inn í haustið Lífið Kristófer Helga í veikindaleyfi Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Enginn súr í sætu teiti í Ásmundarsal Tónlist Seldu Kolbeini Sigþórs og keyptu í miðbænum Lífið Ebba Katrín og Oddur keyptu hús í miðbænum Lífið Frumsýning á Vísi: Helga Braga í kolsvartri kómedíu Bíó og sjónvarp Segir Murphy gera lítið úr kynferðisofbeldi Bíó og sjónvarp Lítill bróðir mættur: „Fullkominn, stór og sterkur“ Lífið Fleiri fréttir Magnaðar myndir af lengstu á landsins Seldu Kolbeini Sigþórs og keyptu í miðbænum Tóku hraðanum misalvarlega en hlupu fyrir langveik börn Ebba Katrín og Oddur keyptu hús í miðbænum Kristófer Helga í veikindaleyfi „Eini metnaðurinn minn var að líða ekki illa“ Lítill bróðir mættur: „Fullkominn, stór og sterkur“ Stjörnulífið: Töru Sif meinað að fara í bað Hjálmari Erni leið eins og manninum í Slumdog Millionaire í Kviss Sjóðheitar og einhleypar inn í haustið Janet Jackson biðst afsökunar á undarlegum ummælum „Það eru komnir þrír mánuðir síðan pabbi minn sá fram á það að geta ekki lifað lengur“ Myndasyrpa úr Bakgarðshlaupinu Ísland með auga fuglsins Var talin vera hommi og lögð í einelti Krakkatían: Dýrin, heimsálfur og teiknimyndir Geggjað heimatilbúið „Twix“ Fréttatía vikunnar: Hollywood stjörnur, þjóðarréttir og pólitík Eignaðist alvöru pungsa með alvöru pungsa Hyggjast halda breytta Söngvakeppni á næsta ári Aldrei litið betur út þrátt fyrir alvarlegt slys Einfalt og frísklegt útlit fyrir hlaupið Borðar það sem alltaf hefur verið til og léttist og léttist „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn Sjá meira
Sigurgeir segir Covid faraldurinn hafa átt sinn hlut í því að hann lagði í þetta verkefni, en hann hafði aldrei áður lagt í svona langsund. Úr bardagaíþrótt í langsund „Vegna Covid gat ég ekki keppt í minni íþrótt, sem er Lethwei hjá Iceland Combat Arts. Þá fer ég að hugsa um eitthvað annað til að einbeita mér að og ákveð að leggja í þetta sund. Þá fæðist þessi hugmynd að gera þetta að styrktarverkefni. Það er tilvalið að láta eitthvað gott af sér leiða fyrst maður er að þessu á annað borð.“ En af hverju urðu Einstök börn fyrir valinu? „Ég vissi bara að þau eru að vinna gott starf og þurfa á hjálp að halda.“ Sigurgeir Svanbergsson á sundi út af Kjalarnesi. Hann og fylgdarlið hans lentu í vélarbilun þegar hann var kominn nokkuð áleiðis, en hann neitaði að hætta við og fékk annan bát til að fylgja sér restina af leiðinni.Aðsend Marglyttufár breytti fyrra plani Fyrst ætlaði Sigurgeir, sem býr austur á fjörðum og starfar í álveri Alcoa á Reyðafirði, að synda frá Eskifirði til Reyðarfjarðar, en marglyttutorfa á leiðinni setti þar strik í reikninginn. „Það fylltist allt af brennihveljum á leiðinni. Ég prófaði aðeins að synda með þeim og það var ekkert mjög gaman að fá þær í sig.“ Því var ákveðið að færa verkefnið vestur á bóginn og þreyta sundið yfir Kollafjörð, og lagði Sigurgeir af stað á þriðjudaginn með aðstoðarmenn sem fylgdu honum á báti. Sigurgeir ásamt aðstoðarmönnum sem fylgdu honum eftir á svaðilförinni.Aðsend Tók ekki í mál að hætta við Sundið gekk ágætlega fyrst um sinn, en þegar komið var að tanganum á Kjalarnesi kom babb í bátinn, í orðsins fyllstu merkingu. „Þá bilar báturinn og ég mátti þá synda í hringi í einn og hálfan klukkutíma á meðan strákarnir reyndu að koma honum í gang. Þeir ætluðu svo að flauta þetta af, en ég tók það ekki í mál. Þrjóskan í mér leyfir ekkert svona. Þannig að þeir hringdu í Hafsport sem höfðu stutt okkur vel, sem sendu annan bát og við gátum haldið áfram.“ Borgarljósin sjást í bakgrunni þar sem Sigurgeir er kominn á lokasprettinn.Aðsend „Naut eiginlega sársaukans daginn eftir“ Sigurgeir kom svo loks í land eftir níu klukkustunda barning, hérumbil að niðurlotum kominn, en sáttur við sína frammistöðu. Eins og fyrr segir er leiðin 11,6 kílómetrar, en með öllum útúrdúrum í tengslum við vélarbilunina á leiðinni var heildarvegalengdin mun lengri, enda var sundkappinn ansi lerkaður eftirá. Það var örmagna sundkappi sem kom í land í Bryggjuhverfinu uppúr miðnætti, eftir níu tíma sund.Aðsend „Ég var með alveg svakalega verki í öllum liðum daginn eftir, en þetta er bara partur af þessu. Ég naut eiginlega sársaukans daginn eftir, því að ég vissi hvaðan hann var að koma.“ Þess má geta að söfnunin stendur enn yfir og má leggja málefninu lið á vef Einstakra barna.
Góðverk Reykjavík Sjósund Sund Mest lesið Magnaðar myndir af lengstu á landsins Lífið Sjóðheitar og einhleypar inn í haustið Lífið Kristófer Helga í veikindaleyfi Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Enginn súr í sætu teiti í Ásmundarsal Tónlist Seldu Kolbeini Sigþórs og keyptu í miðbænum Lífið Ebba Katrín og Oddur keyptu hús í miðbænum Lífið Frumsýning á Vísi: Helga Braga í kolsvartri kómedíu Bíó og sjónvarp Segir Murphy gera lítið úr kynferðisofbeldi Bíó og sjónvarp Lítill bróðir mættur: „Fullkominn, stór og sterkur“ Lífið Fleiri fréttir Magnaðar myndir af lengstu á landsins Seldu Kolbeini Sigþórs og keyptu í miðbænum Tóku hraðanum misalvarlega en hlupu fyrir langveik börn Ebba Katrín og Oddur keyptu hús í miðbænum Kristófer Helga í veikindaleyfi „Eini metnaðurinn minn var að líða ekki illa“ Lítill bróðir mættur: „Fullkominn, stór og sterkur“ Stjörnulífið: Töru Sif meinað að fara í bað Hjálmari Erni leið eins og manninum í Slumdog Millionaire í Kviss Sjóðheitar og einhleypar inn í haustið Janet Jackson biðst afsökunar á undarlegum ummælum „Það eru komnir þrír mánuðir síðan pabbi minn sá fram á það að geta ekki lifað lengur“ Myndasyrpa úr Bakgarðshlaupinu Ísland með auga fuglsins Var talin vera hommi og lögð í einelti Krakkatían: Dýrin, heimsálfur og teiknimyndir Geggjað heimatilbúið „Twix“ Fréttatía vikunnar: Hollywood stjörnur, þjóðarréttir og pólitík Eignaðist alvöru pungsa með alvöru pungsa Hyggjast halda breytta Söngvakeppni á næsta ári Aldrei litið betur út þrátt fyrir alvarlegt slys Einfalt og frísklegt útlit fyrir hlaupið Borðar það sem alltaf hefur verið til og léttist og léttist „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn Sjá meira