„Ég flutti til Svíþjóðar fyrir ástina“

Rainy Days er ljúfsárt haustlag sem fjallar um það eiga sér engan samastað nema í ástinni. Fyrsta plata Rebekku, Wondering, kom út 2017 og er loksins von á nýrri plötu úr hennar smiðju. 

„Rainy Days skrifaði ég þegar ég var nýflutt út til Svíþjóðar og fannst mér ég ekki heima neinstaðar og var frekar týnd í þessu nýja umhverfi. Ég flutti til Svíþjóðar fyrir ástina og auðvitað var það maðurinn minn sem var ljósið á þessum frekar daufu tímum,“ segir Rebekka um sköpunarsögu lagsins.

Rebekka Sif og Aron Andri Magnússon gítarleikari eru höfundar „Rainy Days“ og hafa verið að vinna að breiðskífu síðan haustið 2020. Nú þegar eru nokkur lög tilbúin og má vænta þriðja lagsins af væntanlegri plötu seinna á árinu. Arnór Sigurðarson sá um upptökustjórn og trommur, Daniel Alexander Cathcart Jones spilaði inn píanó og Gunnar Sigfús Björnsson spilaði á bassann. Platan hefur fengið styrk frá Stef. 

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.