Veður

Væta á köflum um sunnan­vert landið

Atli Ísleifsson skrifar
Hiti verður á bilinu tvö til sjö stig í dag, mildast syðst.
Hiti verður á bilinu tvö til sjö stig í dag, mildast syðst. Vísir/Vilhelm

Reikna má með vætu á köflum um landið sunnanvert í dag en úrkomuminna fyrir norðan. Fremur svalt í veðri. Austlæg og norðaustlæg átt í dag, fimm til þrettán metrar á sekúndu og allvíða skúrir eða slydduél, en dálítil rigning suðaustanlands.

Hiti verður á bilinu tvö til níu stig, mildast syðst.

„Á morgun verður veðrinu áfram misskipt á milli landshluta.

Vætan og heldur mildara veður verður sunnantil, skúrir eða slydduél á Norðurlandi, en allhvöss norðaustanátt og úrkomulítið á Vestfjörðum.

Um kvöldið bætir víða vind og einnig í úrkomu um landið austanvert,“ segir á vef Veðurstofunnar.

Veðurhorfur á landinu næstu daga

Á laugardag: Austan og norðaustan 10-18 m/s, hvassast NV-til og við Sa-ströndina. Rigning með köflum, einkum SA-til, en yfirleitt úrkomulítið fyrir norðan. Hiti 2 til 7 stig, mildast syðst.

Á sunnudag: Norðaustanhvassviðri á Vestfjörðum, en annars mun hægari. Víða rigning á landinu, en sums staðar slydda eða snjókoma til fjalla. Hiti 2 til 9 stig, hlýjast á SA-landi.

Á mánudag, þriðjudag, miðvikudag og fimmtudag: Útlit fyrir fremur hæga austlæga eða breytilega átt með vætu með köflum, einkum SA-til. Hiti 3 til 8 stig að deginum.

Veður

Mest lesið


Fleiri fréttir

Sjá meira


×

Mest lesið