Gerði plötu í svefnherberginu

Guðlaugur Rúnar Pétursson eða einfaldlega GULLI  er 19 ára gamall tónlistarmaður frá 108 Reykjavík. 

Gulli hefur verið að semja tónlist í rúm fimm ár en ferillinn hófst í grunnskóla í rapp grúppunni 5 og 1 Króna, þar sem hann pródúseraði öll lög, rappaði og söng. Í febrúar 2020 byrjaði kappinn að gera sín eigin sóló lög, heima hjá sér inni í litla herberginu sínu. 

Platan segir sögu unglings í ástarsorg og hans leiðir til að takast á við hana. Á plötunni eru áður útgefin lög eins og Útlínur og Eftir Allt sem falla vel inn í þema plötunnar. Platan inniheldur 12 lög og er rúmar 48 mínútur að lengd og er hugsuð sem svo að vera hlustuð frá byrjun til enda.

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.