Bylting í bílamálun með sjálfvirkri blöndunarvél

Orka ehf fer með umboð PPG á Íslandi og hóf nýlega sölu á sjálfvirkum blöndunarvélum. Moonwalk er nýjasta vélin frá PPG.

„Moonwalk lakkblöndunarvélin hefur fengið frábæra dóma og nýtur mikilla vinsælda á sprautuverkstæðum víðsvegar í Evrópu,“ segir Andri Hlynur sölufulltrúi PPG hjá Orku en vélin hefur unnið til fjölda verðlauna, meðal annars Special Innovation 2019, Bodyshop Equipment of the year 2020, Technology and Innovation 2020 og Sustainable Innovation Award 2021.

Vélin loksins komin til Íslands

Orka ehf hefur flutt fyrstu vélina inn og varð Bílapunkturinn í Keflavík, sem er eitt fullkomnasta sprautuverkstæði landsins, fyrst fyrirtækja til að tryggja sér sjálfvirka Moonwalk blöndunarvél. Eigendur Bílapunktsins er hæstánægði með vélina.

„Við kynntumst Moonwalk fyrst þegar við vorum á námskeiði í Danmörku hjá PPG fyrir um 2 árum. Það sem heillaði okkur mest var nákvæmnin í blöndun, nýtingin á efni og tímasparnaðurinn, því tíminn sem áður fór í að blanda liti getur málarinn nú notað og undirbúið málunina í stað þess að standa og blanda sjálfur. Við tölum nú ekki um hvað hún kemur vel út í blöndunarherberginu okkar. Eftir námskeiðið fórum við strax í viðræður við Orku um að fá þessa græju. Covid varð til þess að afhendingu seinkaði en nú er græjan loksins komin og við gætum ekki verið ánægðari með hana,“ segja Stjáni og Valdi, eigendur Bílapunktsins.

Helstu kostir Moonwalk

• Vélin er sjálfvirk og vinnur fyrir þig á meðan þú sinnir öðrum verkefnum.
• Kemur í veg fyrir sóðaskap og lágmarkar úrgang þar sem hægt er að blanda mun minna magn af lit með mikilli nákvæmni.
• Meiri gæði og samræmi þar sem blöndunin er hárnákvæm. Og með hágæða hugbúnaði PPG, Paint Manager XI og litaskannanum Rapidmatch Go sem er sá fullkomnasti á markaðnum.
• Mannleg mistök eru út úr myndinni og þar með endurmálun þar sem lakkið alltaf rétt blandað.
• Sparar sprautuverkstæðum bæði tíma og peninga.
• Notað er umhverfisvænt vatnslakk.

Orka ehf selur úrval tækja og vara til bílviðgerða, verkfæri og málningavörur. Í vefverslun má meðal annars nálgast blettunarsett til að laga litlar rispur og/eða ryð.