Dansað fram á nótt á Þorrablóti Grafarvogs

Fullt var út úr dyrum á Þorrablótinu og um 900 gestir dönsuðu fram á nótt á þessu síðbúna blóti. 

Ágústa Johnson í Hreyfingu og Guðlaugur Þór Þórðarson umhverfisráðherra voru á meðal gesta en Guðlaugur var á sínum tíma formaður Fjölnis. Stórsöngvarinn Jóhann Friðgeir Valdimarsson var á svæðinu sem og Jóhannes Kristjánsson eftirherma.

Alþingiskonan Diljá Mist Einarsdóttir var á svæðinu ásamt Ragnhildi Öldu Vilhjálmsdóttur sem er í baráttu um oddvitasæti hjá Sjálfstæðisflokknum í Reykjavík. Pólitískan áróður mátti sjá á svæðinu en stuðningsfólk Valgerðar Sigurðardóttur, sem býður fram í þriðja sæti hjá flokknum í borginni, skartaði bolum til stuðnings sinnar konu - eins og sjá má á myndunum að neðan.

Á meðal þeirra sem komu fram á þessum viðburði voru Regína Ósk, Selma Björns, Magni, Hreimur, Eyfi, Stefán Hilmarsson, Auðunn Blöndal og Steindi.

Alexander Hugi Jósepsson ljósmyndari var á staðnum og tók skemmtilegar hópmyndir af gestum og auðvitað líka af listamönnunum sem stigu á svið. 

Fleiri myndir frá þessum viðburði má sjá í myndaalbúminu hér fyrir neðan.