Innlent

Slasaðist á sex­hjóli í Tálkna­firði

Eiður Þór Árnason skrifar
Slysið átti sér stað utan alfaravega í Tálknafirði.
Slysið átti sér stað utan alfaravega í Tálknafirði. Vísir/Vilhelm

Karlmaður slasaðist í sexhjólaslysi í Tálknafirði, utan við pollinn svokallaða, í dag og var fluttur til Reykjavíkur með sjúkraflugi. 

Lögreglunni á Vestfjörðum barst tilkynning um slysið skömmu fyrir klukkan 15 og kom fram að maður hefði velt sexhjóli og væri slasaður. Lögreglumenn frá Patreksfirði fóru strax á vettvang auk sjúkrabifreiðar og björgunarsveitarmanna en slysið mun hafa átt sér stað utan alfaravega.

Þetta kemur fram í tilkynningu frá lögreglu en þegar viðbragsaðilar komu á vettvang var ökumaðurinn með meðvitund. Í ljósi eðlis slyssins var hann í framhaldinu fluttur til Reykjavíkur með sjúkraflugi. Unnið er að rannsókn málsins.

Samgönguslys Tálknafjörður

Mest lesið


Fleiri fréttir

Sjá meira


×

Mest lesið