Innlent

Lögregla til taks vegna mótmæla við Ráðherrabústaðinn

Kolbeinn Tumi Daðason skrifar
Hópurinn telur rúmlega tíu manns.
Hópurinn telur rúmlega tíu manns. Vísir/Vilhelm

Nokkrir lögreglumenn standa vaktina við Ráðherrabústaðinn í Tjarnargötu þar sem á annan tug mótmælenda er saman kominn og bíður þess að fundi ríkisstjórnarinnar ljúki.

Nokkuð fjölmenn mótmæli voru á Austurvelli á laugardaginn en kallað er eftir því að Bjarni Benediktsson fjármálaráðherra segi af sér og að Katrín Jakobsdóttir forsætisráðherra „kasti inn handklæðinu“, eins og segir á einu af fjölmörgum skiltum mótmælenda.

Tilefnið er nýleg sala ríkisins á 22,5 prósenta hlut sínum í Íslandsbanka sem hart hefur verið deilt um undanfarnar vikur. Umræður stóðu fram á nótt á Alþingi um málið og er sérstök umræða um málið á dagskrá þingsins síðdegis í dag.

Stöðvum spillinguna, eru skilaboð þessa karlmanns.Vísir/Vilhelm
Fundur ríkisstjórnarinnar hófst klukkan 9:30.Vísir/Vilhelm
Skilaboð mótmælenda í Tjarnargötu til forsætisráðherra eru skýr.Vísir/Vilhelm
Ríkisstjórn Katrínar Jakobsdóttur Salan á Íslandsbanka Reykjavík

Mest lesið


Fleiri fréttir

Sjá meira


×

Mest lesið