„Spurning hvort þetta verði eitt­hvað sem að heldur á­fram inn í mótið“

„Við klárum leikinn öruggt. Ég var mjög ánægður með það, að hafa skorað þessi fimm mörk. Við bjuggumst við að þær myndu liggja aftarlega og vorum búin að undirbúa okkur fyrir það. Oft á tíðum þá tókst bara mjög vel upp það sem við ætluðum okkur. Ákveðnar hreyfingar og spil á milli línanna sem gekk bara mjög vel í kvöld.“

Eitthvað sem mætti bæta?

„Við fengum á okkur mark á 45. mínútu og við erum bara mjög óánægð með það en við lögum það bara. Við þurfum bara að brýna áfram liðið og frammistöðuna í heild. Við vorum ekki ánægð með frammistöðuna í fyrsta leiknum Í Vestmannaeyjum og við einbeitum okkur að því að koma betur inn í þennan leik og skila þessum leik betur frá okkur heldur en þá. Á köflum spilaði liðið mjög vel og bjuggu til færi, það var gaman að sjá þær skora svona mörg mörk.“

Nú töpuðu bæði Breiðablik og Valur í þessari umferð. Finnst þér toppbaráttan vera opin, fyrir ykkur kannski?

„Auðvitað er það möguleiki. Þetta eru athyglisverð úrslit og spurning hvort að þetta verði eitthvað sem að heldur áfram inn í mótið. Þá væri náttúrulega kannski bara tækifæri fyrir mörg lið til þess að stimpla sig inn, það eru náttúrulega þessi lið sem eru að vinna Val og Breiðablik núna í þessari umferð sem að geta þá stimplað sig inn í efri hlutann, þannig að það er bara spennandi. Við eigum bæði Breiðablik og Val í næstu viku þannig að það verður gaman að sjá hvernig við komum út úr þeim.